Qazan aıynyń 12 juldyzynda T.Júrgenov atyndaǵy Qazaq ulttyq óner akademııasynda «Kózimniń qarasy» mádenı-tanymdyq klýbynyń aıasynda uıymdastyrylǵan rejısser Mádı Baljanovtyń «Pıkapty izdeýmen» atty qysqametrli fılminiń tusaýkeseri ótkizildi. Fılmniń tusaý keseriniń alǵashqy kórermeni bolý qurmetine Ónertaný fakýltetiniń 1-4 kýrs stýdentteri ıe boldy. Kezdesýdiń alǵashynda barlyǵy fılmdi bastan-aıaǵyna deıin tamashalap, sońynda ózderiniń oıynda qalyptasqan fılmnen qalǵan áserlerimen bólise otyryp, rejısserge degen óz suraqtaryn qoıa bastady. Fılmge jalpylama toqtala ketsem, «Pıkapty izdeýmen» fılmi barlyǵy 2 nusqadan turady. Birinshi nusqasynda qarapaıym jigittiń ómirinde oryn alyp jatqan oqıǵasyn kórsetedi. Ol óte uıalshaq bolady jáne sonyń saldarynan eshqandaı qyzben tanysa almaıdy. Biraq sońynda barlyǵyn tastap, eshkimge de qaramaı tek óziniń bir ǵana jolymen júrip kete beredi. Al, ekinshi nusqada – sol baıaǵy is-qımyldar tek sózder men dybystar ǵana ózgertilgen. Mine, fılmniń eń qyzyq tusyda osy bolǵan sııaqty. Sebebi, kórermen ne bolatynyn bilip otyrady, biraq ne aıtylatynynan beıhabar bolady. Al, qyzyqty daýystardy estigende júzderine kúlki úıirilip, fılmniń basqasha tusynan habardar bolady. Fılmniń aıtar oıy birine anyq jetse, al bireýine túsiniksiz bolyp qalǵany anyq. Ony biz zalda otyrǵan kórermenderdiń suraǵynan baıqaǵan bolatynbyz. Qysqametrli fılmde jalpy aıtqanda berilgen oı aıaqsyz qalyp jatady, onyń sebebi sońǵy sheshimdi kórermenniń enshisine qaldyrady. Mádı Baljanovta óz fılminde sońǵy pikirdi kórermenniń enshisine qaldyrǵan.
«Pıkapty izdeýmen» fılmi az ýaqyt ishinde-aq óz kórermenin taýyp úlgerdi dep sanaımyn. Sebebi qazirgi qoǵamdaǵy uıalshaq jigitterdiń beınesin úlken eńbekpen jetkize alǵan. Rejısser barynsha tyrysyp, óz eńbeginiń sapaly bolyp shyǵýyna at salysqan. Fılmdi túsirý barysyndaǵy qyzyqty aqparattarǵa toqtalǵym kelip otyr: 1) fılmde arnaıy túsirý toby bolmady, tek rejısser Mádı Baljanov qana 3 aı kóleminde túsirip shyqty; 2) Al, akterlar bolsa qarapaıym ómirdegi adamdar boldy (árıne bul fılmdi shynaıy jetkizýdin bir ádisi dep oılaımyn. «Pıkapty izdeýmen» fılmi Mádı Baljanovtyń 8-shi týyndysy bolǵandyqtan jańa izdenister men jańa oılar qalyptasqan fılmi dep esepteımiz. Mádı Baljanov óz mamandyǵy bolmasa da úlken eńbektiń arqasynda kınoǵa kelip, osyndaı tyń dúnıelerdi jaryqqa shyǵaryp jatyr. Mine bul da qazirgi jastardyń kınoǵa degen qyzyǵýshylyǵyn bildiredi. Qazaq kınosynyń birtindep damyp kele jatqanynyń aıǵaǵy. Onyń ishinde kóp jastar qysqametrli fılmderdi túsirýdi qoldaryna alyp jatady...
Qysqametrli fılm bul – az ýaqyt ishinde kórermenge úlken bir oıdy jetkizýge berilgen múmkindik dep qarastyrsaq, Mádı Baljanov osy múmkindikti qalt jibermeı jetkize aldy dep esepteımin. Aldaǵy ýaqytqa rejısserge shyǵarmashylyq tabys tileı otyryp, fılmderiniń sanynyn artýyna tilektesemiz.
