Maqala
«Qózimniń qarasy» klýbynda qysqametrli fılmder kórsetilimi ótti
T.Júrgenov atyndaǵy óner akademııasynda «Kózimniń qarasy» mádenı-tanymdyq klýbynyń uıymdastyrýymen stýdenttik qysqametrli fılmderdiń kórsetilimi boldy.
Bólim: Kózimniń qarasy
Datasy: 03.02.2017
Avtory: Еркінай Смаилова
Maqala
«Qózimniń qarasy» klýbynda qysqametrli fılmder kórsetilimi ótti
T.Júrgenov atyndaǵy óner akademııasynda «Kózimniń qarasy» mádenı-tanymdyq klýbynyń uıymdastyrýymen stýdenttik qysqametrli fılmderdiń kórsetilimi boldy.
Bólim: Kózimniń qarasy
Datasy: 03.02.2017
Avtory: Еркінай Смаилова
«Qózimniń qarasy» klýbynda qysqametrli fılmder kórsetilimi ótti
Murat Saıfýllanyń «Dzem jan» fılminen

Erkinaı SMAILOVA

QazUÓA, kınotaný, IV kýrs

T.Júrgenov atyndaǵy QazUÓA qabyrǵasynda «Rejıssýra» mamandyǵy boıynsha bilim alyp jatqan stýdentterdiń úsh jumysy nazarǵa usynyldy. Alǵashqy bolyp kórsetilgen Beıimbet Saǵadıevtiń «20/30» fılmi adamǵa berilgen ýaqyt múmkindigin durys paıdalana alý, ýaqyt pen kúshti durys baǵyttaý jaıly oı qozǵaıdy. Jıyrma jas pen otyz jasty paraleldi túrde nemese alma-kezek emes, bir oqıǵaǵa kirgizip, basty keıipkerdi óz-ózimen bettestirý arqyly, aıtpaq oıyn qyzyqty tásilmen jetkize alǵan. Stýdenttik shaqta berilgen múmkindikti zaıa jibermeı, ýaqytyńdy maqsatyńa jetý jolyna jumsar bolsań jıyrma jasyń otyzyńda jetistikke jetýińe qyzmet etedi. Fılmnen kórgen nársemiz osy boldy.

Beıimbet Saǵadıev
Jastyq shaqtyń múmkindikterin qur jibermeý týraly oıdy Raqymjan Qaldykózdiń «Sýmka» fılmi jalǵastyrǵandaı boldy. Buzaqy ortanyń ǵaıbat tildi jastary kún kóris qamyna jeńil, qylmysty joldy tańdaǵan. Urlyq, tóbeles olar úshin ómir súrý. Jastardyń osyndaı burys joldaǵy is-áreketterin kórsete otyryp, qoǵamdyq áleýmettik máseleniń bir ushyn qozǵap ketkendeı. Jumyssyzdyq, naryq qysqan qoǵamnyń sharasyz háli qara bazar men nesıege ıek artqan halyqtyń turmysyn sezindirdi.

Raqymjan Qaldykóz
Al, «problemasy bar adamnyń ózi baqytty» degen oıdy aıtpaqqa bekingen Murat Saıfýllanyń «Dzem jan» fılmi kórermendi jeńil sıýjeti men jaǵymdy atmosferasymen baýraı aldy. Basty keıipker Muhtardyń mahabbaty baıandalatyn fılmde pozıtıvke toly ómirdiń kýási bola alasyz. Ári ómirdiń árbir sátin, meıli ol qıyndyq ákelse de baǵalaýǵa shaqyratyndaı. «Dzem jan» degen ataýdyń maǵynasyn túsindirgen fılm rejısseriniń aıtýynsha, mıǵa kelgen oı men sezingen sezimderińniń qandaı da bir ataýy bolý kerek. Adam balasy ózi túsine bermeıtin sezinýlerge osylaısha túsiniksiz at qoıyp, ishki álemin jetkizýdiń bir tásiline aınaldyrýǵa bolatyndaı. Fılm ataýyn osy jolmen oılap tapqan Murat Saıfolla qarapaıym fılm atyn qoıýdyń ózinde eshkimge uqsaǵysy kelmeıtinin aıtty.


Stýdenttik fılmderin stýdent jastardyń nazaryna usynyp, zamandastarymen pikir almasqan bolashaq rejısserlar izdenis ústinde ekendikterin kórsetti. Bolashaq mamandar: kınotanýshylar, senarıster, rejısserlar men akterlardyń basyn qosqan bul kezdesýdiń ózara pikir almasý, shyǵarmashylyq baılanys ornatý, jastardyń ortasynda jańa shyǵarmashylyq ortanyń qalyptasýyna septigin tıgizetini sózsiz. Osyndaı kezdesýler men bas qosýlar aldaǵy ýaqytta da jalǵasyn tabatyn bolady.