Búgin, ıaǵynı 16 naýryz kúni Almatydaǵy T.Júrgenov atyndaǵy Qazaq ulttyq óner akademııasynda Sh.Aımanov atyndaǵy "Qazaqfılm" AQ-nyń "Debıýt" shyǵarmashylyq-óndiristik birlestiginde túsirilgen qysqa metrli fılmderdiń kórsetilimi ótti. Kınokartınalar QR Mádenıet jáne sport mınıstrliginiń tapsyrysy boıynsha túsirilgen. Kórsetilimdi "Kózimniń qarasy" madenı-tanymdyq klýby men "Qazaqfılm" kınostýdııasy uıymdastyryp otyr. Kórermenderge 2016 jyldyń sońynda óndiriske jiberilip, jaqynda daıyn bolǵan "Páter" (E.Boranshy), "Jestkıı tıp" (B.Jumanov), "Mısha" (A.Áýelbek), "Pısmo" (A.Musataev) jáne "Taksıst" (D.Mahmut) qatarly týyndylar usynyldy. Keshke fılm avtorlary, akterler, BAQ ókilderimen qosa ustazdar jáne stýdentter qaýymy qatysty.
"Debıýt" shyǵarmashylyq-óndiristik birlestigi 1988 jyldan beri jyl saıyn otandyq kınematografty birqatar jańa esimdermen tolyqtyryp keledi. Birlestiktiń negizgi maqsaty jas kınematografısterge qoldaý kórsetý. Kórsetilimniń ashylý sózinde "Bizdiń kózdeıtinimiz – debıýtant-rejısserlerge óziniń shyǵarmashylyq potenııalyn ashyp kórsetýine múmkindik jasaý. Senarıı jazýdan montajdaý úrdisine deıin dem berý. Búgingi debıýtanttardyń arasynda keıbireýleri óz ómirin kınematograf ónerimen baılanystyryp, rejısser atansa, bul jaqsy kórsetkish", - dedi Sh.Aımanov atyndaǵy "Qazaqfılm" AQ, "Debıýt" shyǵarmashylyq-óndiristik birlestiginiń kórkemdik jetekshisi, belgili kınorejısser Dárejan Ómirbaev.
Kórsetilim aıasyndaǵy jas rejısserlerdiń tyrnaqaldy týyndylary ár-túrli taqyryptardy qamtydy. Erbol Boranshy óz fılminde eldegi iri qalalarda jappaı etek alǵan páter máselesin arqaý etken. Fılm oqıǵasy jaldamaly páter izdep, Almatydaǵy "Jetim buryshty" jaǵalaǵan jas jubaılardyń ómirinen bastalady. Biz ómir súrip otyrǵan qoǵamnyń ózekti máselesin aldyńǵy planda ustaı otyryp rejısser fılmde alýan tıptegi keıipkerler obrazy men detaldardy sátti úılestire bilgen. Aıta keterligi, fılm qazaqstandaǵy baspana máselesin arqaý etken alǵashqy kórkem týyndy sanalady.
Baımurat Jumanovtyń "Jestkıı tıp" atty fılmi ómir tyǵyryǵyna ushyraǵan eresekter álemin ashýǵa tyrysady. Fılm dramatýrgııasy óz yrǵaǵymen baıaý damı otyryp, árbir adamnyń óz problemasy bolatyndyǵy syndy pánı shyndyǵyna úńiledi. Basty keıipker retinde de rejısser rólin sátti somdaı alǵan.
Kópshilikke usynylǵan úshinshi kartına A.Áýelbektiń búgingi tańdaǵy el ómirinde beleń alyp otyrǵan, qorǵansyz adamdardy quldyqta ustaý taqyrybyndaǵy "Mısha" týyndysy boldy. Fılmegi kásibı akterlyq sheberlik, rejısserlyq sheshimder, birtutas atmosfera – shyǵarmany aıtarlyqtaı sátti týyndy deýge dálel bola alady. Aýyr tragedııamen aıaqtalatyn ekrandyq týyndyda komedııalyq elementter de sátimen kórinis taýyp jatty.
Ómirdegi ata-ana qamqorlyǵynan mezgilsiz alystap ketken óspirimder jáıli syr shertetin kelesi týyndy "Pısmo" dep atalatyn A.Musataevtyń fılmi edi. Kartınada jetim balalarǵa arnalǵan úıdegi álimjettik pen júrek syzdatar aýra, bala armany, kórgen túster jınaqtala kelip qamqorlyqqa muqtaj bala janyn bere aldy. Fılm debıýttik jumys retinde otbasy qundylyǵyn óz rakýrsynan laıyqty kórsete alýymen erekshelenedi.
Kórsetilim aıasyndaǵy sońǵy ekrandyq týyndy Dáýletjan Mahmuttyń "Taksıst" fılmi boldy. A.Chehovtyń "Zar" hıkaıatynyń jelisimen túsirilgen kartına kúızeliske túsken adam janyn ózgeshe qyrynan ashýǵa talpynady. Rejısser ózgeshe dramatýrgııalyq jelige qurylǵan oqıǵa arqyly jasamys er adamnyń rýhanı soqqydan shyǵý jolyn kórsetedi. Shynaıy ómir máni men odan alystap ketýdiń ara-jigin alǵa tarta otyryp, debıýtant óziniń avtorlyq kózqarasyn aıtýǵa tyrysqany baıqalady.
Sońǵy jyldary memlekettik qoldaý aıasynda "Debıýt" birlestiginiń shyǵarmashylyq kólemi keńeıip, jylyna 6-7 qysqametrli fılmderdiń ekranǵa shyǵýyna múmkindik berip otyr. Sondaı-aq, "Qazaqfılm" kınostýdııasynda túsirilgen qysqametrli fılmder halyqaralyq kınofestıvalderde laıyqty baǵasyn alyp, marapattarǵa ıe bolyp keledi.
Reti kelgende aıta ketý kerek, Sh.Aımanov atyndaǵy "Qazaqfılm" AQ - Qazaqstandaǵy kıno óndirisi men óndiristen keıingi kezeńde turǵan ónimdermen aınalysatyn negizgi kınokompanııa. "Qazaqfılm" kınostýdııasynyń tarıhy 1934 jyldan bastaý alady, dál osy jyly Almaty kınohronıka stýdııasy quryldy. 1941 jyly Almaty kórkem fılmder stýdııasy dep ózgertilip, kınostýdııanyń óndiristik negizi barynsha nyǵaıa tústi. 1941 jyly Almaty kınostýdııasy Qazaqstanǵa kóshirilgen "Mosfılm" jáne "Lenfılm" kınostýdııalarymen birlesip, Birlesken Ortalyq kınostýdııa bolyp qaıta qurylǵan bolatyn. BOK Almatyda 1944 jylǵy deıin jumys istedi. Soǵys jyldary kezeńinde otandyq kórkem fılmderdiń 80 paıyzyn atalmysh Ortalyq kınostýdııa shyǵardy. 1960 jyly "Qazaqfılm" ataýyna ıe boldy. 1984 jyly kınostýdııaǵa ulttyq kınematogrfııanyń kórnekti qaıratkeri Sháken Aımanovtyń esimi berildi. Búginde atalmysh kınostýdııada jyl saıyn onnan astam tolyqmetrli kórkem, anımaııalyq jáne derekti fılmder sonymen qosy birneshe debıýttyq kınokartınalar túsiriledi.
