2019 jyldyń 23 qazanynda QR Ulttyq mýzeıinde QR Óner akademııasynyń akademıgi, QR Sýretshiler Odaǵynyń múshesi, London qalasyndaǵy Eýrazııalyq shyǵarmashylyq gıldııanyń múshesi, músinshi Shoqan Tóleshtiń 65 jyldyǵyna arnalǵan "Altyn baǵyt" mereıtoılyq kórmesiniń ashylý saltanaty ótti. Kórmede sheberdiń 60-qa jýyq týyndysy qoıylǵan. Sh.Tólesh Shveıarııada, Lıhtenshteın, London, Egıpet, Máskeý knıazdiginde kóptegen jeke jáne toptyq, qalalyq, respýblıkalyq jáne sheteldik kórmelerdiń qatysýshysy.
Shoqan Tólesh óziniń ıdeıalaryn iske asyrý maqsatynda shyǵarmashylyq izdenýde jańa pishinderdi qoldanady. Bul onyń názik kelgen, mándi syzyqtarynan, jarqyn kólemi men tamasha sheshim tapqan árbir beınesinen kórinis tabady. Onyń kez-kelgen jumysynda adamdardyń jany, kóńil-kúıi men emoııalary, sezimderi erekshe kórinis tabady. Músinshi úshin eń mańyzdysy beıneniń sheshimi. Eńbekteri negizinen áıelder qaýymyna, analarǵa arnalǵan. Dál kire beriste qonaqtardy «Hanshaıym» (2019), «Hanshaıym-1», «Hanshaıym-2», «Kerbez Astana» (2015) jáne kóktem mezgiline arnalǵan toptama qarsy alady. «Tańsári» taqyrybyna arnalǵan birneshe týyndylary da sulý, názik jandy arýlarǵa arnalǵan. Iaǵnı, músinshi bir taqyrypty sheshýge birneshe ret qaıta oralady jáne ár túrli materıaldy qoldaný arqyly ózgeshe sheshim tabýǵa tyrysady. Onyń shyǵarmalary dınamıkaly, qımyl-qozǵalysqa toly, bul avtordyń únemi izdenis, shyǵarmashylyq oı ústinde júretinin aıǵaqtaıdy.
Negizinen jumystarynda kúmis, qola, mármár, allıýmınıı, tas pen aǵash syndy tabıǵı materıaldardy qoldanady. Keıingi jumystarynda avtor súıikti materıaly retinde áınekti («Kerýen» 2015, «Otbasy» 2018) jıi qoldanysyna engizgen.
Músinshi klassıkaǵa, abstrakıonızmge, ekspressıonızmge júginedi, materıalmen, ólshemdermen batyl tájirıbe jasaıdy.
Shoqan Tólesh Shyǵys pen Batystyń stılıstıkasyn biriktirý arqyly qazaq beıneleý ónerinde ózine ǵana tán, jańa plastıkalyq tildi ulttyq naqyshta ázirlegen músinshi bolyp tabylady. Bul ártúrli sıpattaǵy mádenıet ásem jáne keıde jumbaq músinder syzyqtarynda úılesimdi keledi. Onyń eńbekterinde, sonymen qatar saq, túrki mádenıetiniń biregeıligi kórinis tabady. Bul onyń ekspozıııadaǵy «Saq jaýyngeri» (2013), «Saq kósemi» (2011), «Tomırıs» (2015), «Ǵun. Atılla» (2013), «Qasqyr» 2012 atty týyndyrynda berilgen.
Músinshiniń shyǵarmalary avtorlyq oıdyń barlyq alýan túrliligin birtindep ashatyn aınalmaly sholý arqyly óziniń "oqyǵanyn" talap etedi. Jumystary eshkimdi beı-jaı qaldyrmaıdy, erekshe tamsandyrady jáne olarǵa qaıtadan oralýǵa májbúrleıdi. Onyń músinderi Qazaqstan, AQSh, Franııa, Belgııa, Italııa, Shveıarııa, Lıhtenshteın knıazdigi, Ulybrıtanııa, Avstrııa, Egıpet, Túrkııa, Reseı, Sıngapýr, Tatarstan memlekettik murajaılary men jeke kollekııalarynda erekshe orynǵa ıe.
