Raýza Beısembaıqyzy N.V. Gogol atyndaǵy Almaty kórkemsýret ýchılıesin támamdady, onyń ustazdary men tálimgerleri Qazaqstan beıneleý óneriniń kórnekti sheberleri – Aısha Ǵalymbaeva, Qanafııa Teljanov jáne t.b.
Shyǵarmashylyq izdenisteriniń erterek kezeńinde ol qyshqa qumar bolǵanyna qaramastan, dızaınerlik jobalar jasaýmen de aınalysty. Al keskindeme bolsa, onyń súıikti jumysy bolyp qala beredi.
Sýretshi maıly boıaý keskindemesi tehnıkasyna mamandanǵan, sóıtip mastıhınmen jumys istegendi táýir kóredi. Oń energetıkaǵa, jarqyn boıaýlar men jan jylýyna toly kenepteriniń betinde qylqalamy jeńil ári erkin syrǵıdy. Tústiń kómegimen barlyq týyndylarynyń boıyna sińirgen óz emoııasynyń jarqyldary men óz kóńil-kúıiniń reńkterin beredi!
Bir demmen jazylǵan, qymbatty da óziniń janyna jaqyn adamdardyń portretterin óz otbasynyń múshelerine arnaǵan. Olarda jubaıy Álen-Bek Qamzauly – ekonomıka ǵylymdarynyń doktory, professor, akademık, qyzdary – Leıla, Álııa, Mádına, nemereleri – Kamılla, Ásel, Rahman, Eraly, Nuraly, shóberesi Ánýar jáne t.b. beınelengen.
... «Adam ómiri degenimiz eshkimge múldem baǵynbaıtyn qupııa, jumbaq. Portret jazǵan kezimde, men onyń sýretin salamyn» deıdi sýretshi.
Raýza Beısembaıqyzy Eralıeva – tez til tabysa ketetin ǵajap adam, talantty sýretshi, aıaýly jar, súıikti ana jáne áje. Ol optımızmge toly bolǵandyqtan, romantık bolyp qala beredi, shyn júrekten óleń jazady. Onyń «Ǵashyqtar» dep atalatyn kartınalar toptamasy romantıkalyq romantıkalyq notaǵa bólengen. Sýretshi olarda sezim jarasymyna kóńil qoıady, adaldyq, mahabbat jáne baqyt dáripteledi.
Súıikti janry – natıýrmort. Olarda barynsha tolyǵymen jáne kúshimen sýretshiniń keskindemelik jáne kolorıstik daryny ashylǵan. Kún sáýlesimen balbyrap pisken alma, shabdaly men apelsın, júzim men búrgen sabaqtary, qyzyl jáne jasyl buryshtar osynshama baılyq pen molshylyqtan kóz ala almaıtyn sonshalyqty tartymdy da ádemi! Ol ózin aınalasyndaǵy tabıǵattan jáne eń qarapaıym zattan da sonsha sulýlyq pen tústi kóredi.
«… Meniń álemim – sezim, mahabbat, ómirdiń rahatyna bólený!
Meniń boıaýlarym meniń ómirimdeginiń bárin de jasaıdy!»…
Sýretshi ózin jeke bir Álem retinde jáne ómirdiń ár alýandyǵy men sulýlyǵy sýrettelgen alyp, sheksiz álemniń bir bólshegi retinde sezinedi. Osyndaı adamdardyń arqasynda ǵana Álemde izgilik qanatyn jaıa bermek.
Ótetin kúni: 07.12. 2018 – 07.01.2019
Kýratory: Nurfeızova Nurjamal Bekbosynqyzy, Á. Qasteev atyndaǵy QR MÓM Qazaqstan qoldanbaly óneri bóliminiń aǵa ǵylymı qyzmetkeri
Vernısaj: 2018 j. 14 jeltoqsan saǵat 18.00
