Kórme jetekshisi Sh.M. Nuǵymanova
Kórmede sýretshiniń 2003 jyldan 2015 jyl aralyǵynda jazylǵan 118 jumysy jurtshylyq nazaryna usynyldy.
Iý.G. Kýlevskaıa 1946 jyly 15 sáýirde Omby qalasynda dúnıege keldi. Ol ómirde ǵylymdy basty orynǵa qoıdy. Qazaq Memlekettik ýnıversıtetiniń (buryn S.M. Kırov atyndaǵy) «ıadrolyq fızıka» mamandyǵy boıynsha fızıka fakýltetin támamdady.
Ýnıversıtetti aıaqtaǵannan keıin radıoktıvti sáýlelený kafedrasynda ǵylymı qyzmetker retinde jumysqa qaldyryldy. Hımııa ǵylymdarynyń kandıdaty Iýzefa Grıgorevna 20 jyldan asa ýaqyt Qazaqstan Ǵylym Akademııasynyń Organıkalyq katalız jáne elektrohımııa ınstıtýtynda jáne taǵy 20 jyl Qazaqstan Respýblıkasynyń Ulttyq ǵylymı-tehnıkalyq aqparat ortalyǵynda eńbek etti. Keskindememen 2003 jyldan beri aınalysyp keledi. Súıikti janrlary – peızaj ben natıýrmort. Iý. Kýlevskaıa neǵurlym mazmundy áser berý úshin túrli tehnıkany qoldana otyryp, óz týyndylaryn maıly boıaýmen, akvarelmen, akrılmen jazady.
Onyń túrli plandaǵy kenepterine keletin bolsaq, óziniń sheberligimen jáne boıaý reńderimen kóńil kúıin berýimen tańǵaldyrady. Onyń peızajdarynyń sıýjetteri ózindik erekshelikteri bar Eýropa bekinisterin, Reseıdiń tabıǵı landshaftaryn, ushy-qıyry joq qazaq dalasyn madaqtaıdy.
Orystyń belgili peızajshy-sýretshisi I.I. Levıtan: «peızaj – bárinen de adam sezimin, ásirese sýretshiniń óziniń sezimi men kóńil-kúıin jetkizetin eń jaqsy amal» degen.
Kýlevskaıanyń barlyq týyndysy jarqyn da órshil.
Sýretshiniń endigi bir jaqsy kóretin janry – natıýrmort. Natıýrmortty jazýǵa otyrý úshin ol ózine unaıtyn zattar men tústerdi muqııat tańdap alatyn bolar, sirá. Olardy óziniń talǵamymen, kóńil-kúıimen jaıǵastyryp baryp, shyǵarmashylyq proeske kirisedi.
«Túrli tústi jupargúl», «Ashyq kúlgin vazadaǵy jupargúl», «Kúlgin aıylqııaqtar» jáne taǵy basqa natıýrmorttary ashyq, qanyq tústi daqtardyń kolorıstik moldyǵymen jetkizilgen. Dástúrli keskindeme tásilderin paıdalana otyryp, Kýlevskaıa jaı qarapaıym zattardy merekelik alýan tústi kóriniske aınaldaryp, kontrasty tústik gamma jasaıdy. Mundaı natıýrmorttardyń árbir bólshegi bir-birimen sezim arqyly baılanysqan.
Kýlevskaıanyń týyndylaryn beıne bir mýzyka dersiń, sebebi olar qudiretti sezimderdi bildirip, adamǵa erekshe áser ete alady.
Sýretshi Á. Qasteev atyndaǵy QR MÓM qabyrǵasynda birneshe ret óziniń jeke kórmesin ótkizdi, sondaı-aq, sýretshilerdiń toptyq kórmelerine qatysty.
Iý.G. Kýlevskaıanyń kartınalary Qazaqstannyń ǵana emes, AQSh, Polsha, Germanııa jáne Reseıdiń jeke jınaqtamalarynda saqtaýly.
