Kúshikbaev Jaıyq Taldyqorǵan oblysy, Sarqant aýdany, Baqaly aýylynda muǵalim otbasynda dúnıege kelgen. 1981 jyly N. Gogol atyndaǵy Almaty kórkemsýret ýchılıesin, 1992 jyly S. A. Gerasımov atyndaǵy Búkilreseılik memlekettik kınematografııa ınstıtýtynyń kórkemóner fakýltetin bitirgen. Eńbek jolyn Baqaly orta mektebinde (1981 j.) sýret jáne syzý pániniń muǵalimi qyzmetinen bastady. 1992 j. O. Tańsyqbaev atyndaǵy Almaty kórkemsýret ýchılıesinde arnaıy pán oqytýshysy boldy. Qazirgi ýaqytta (1993 jyldan beri) T. Júrgenov atyndaǵy Qazaq Ulttyq óner akademııasy «Akademııalyq sýret jáne stanoktyq grafıka» kafedrasynyń aǵa oqytýshysy, doenti.
Peızaj – epıkalyq shyǵarma, lırıka, sondaı-aq qala, aýyl, saıabaq, taý, jyl mezgilderi – jaz, qys kórinisi, jalpy qorshaǵan ortany beıneleý sýretshilerdiń, jalpy keskindeme ónerine jaqyn jandardyń asa súıikti janry. Peızaj janry óte aýqymdy. Jaıyq Kúshikbaev kópshilikke kólemdi panoramalyq peızaj sheberi retinde tanymal. Jaıyqtyń shyǵarmalarynda Qazaqstannyń ár óńiri, tipti shalǵaı, jurt kózinen tasa tustary kórinis tapqan. Sýretshi shyǵarmalarynyń basym bóligi negizinen Qazaqstan tabıǵatynyń sulýlyǵy beınelene peızaj janrynda oryndalǵan keskindemelik kompozıııalardan turady. Bul keń baıtaq qazaq dalasynyń ár-alýan ásem kórinisi, aýyl tirshiligi jáne t. b. qyrlary beınelengen týyndylyr. Sýretshiniń Alataýdyń kóz tundyrar tabıǵatyn, Aral, Qapshaǵaı, Qaskeleń, Qyrǵaýyldy t.b. óńirlerdiń ózindik erekshelikterin beınelegen týǵan jerge degen súıispenshilikke toly shyǵyrmalary asa tartymdy.
Keskindeme janrynda jyl mezgilderin beıneleý osy salada eńbektenip júrgen sýretshiler shyǵarmashylyǵyndaǵy óz aldyna jeke bir taqyryp deýge bolady. Jaıyqtyń tabıǵat aıasynda oryndalǵan – taý, ózen, en dalanyń oıy men qyry beınelengen qoltýmalary kórermendi birden baýrap alady. Sýretshiniń syrǵa toly peızajdary sıqyrly álemdeı suqtandyrady. Jaıyqtyń shyǵarmalarynda jyl mezgilderi – tabıǵattyń oıanýy, erte kóktem, jaz, kúz jáne qys kórinisteri, tańnyń atýy-kúnniń batýy, jazǵy kesh, qarańǵy tún, múlgigen tabıǵat, qar betine túsken jaryq pen sáýleniń qubylýy, taý shyńynyń asqaqtyǵy, tóbelerdiń sulbasy, ıaǵnı tabıǵat qubylysy tolyq kórinis tapqan. Jyl mezgilderine qaraı avtordyń kóńil-kúıi de ózgeredi, óıtkeni sheber óz qylqalamymen tabıǵat kelbetin de ózgertedi deýge bolady.
Sýretshi peızajben qatar natıýrmort, portret janrynda da eńbektenedi.
Kúshikbaevtyń týystary men jaqyndarynyń portretterinen («Anamnyń portreti», «Ana»", «Ákemniń portreti») onyń adam janynyń sulýlyǵyn ashatyn erekshe stılin ańǵarýǵa bolady.
Jaıyq ózindik qoltańbasy qalyptasaqan qylqalam sheberi. Sýretshiniń tolymdy, máni tereń shyǵarmalary onyń tabıǵatty kórý-taný múmkindigin ańǵartady. Ár shyǵarma qorshaǵan álemniń sulýlyǵyn asha otyryp biz osy álemniń bir bólshegi ekendigimizdi eskertedi. Ár shyǵarmadan biz tynyshtyq, jaılylyq, úılesimdi sezinemiz.
Kúshikbaev 1980 jyldan bastap stýdenttik, respýblıkalyq, búkilodaqtyq jáne halyqaralyq kórmelerge qatysyp keledi. Sýretshiniń birqatar shyǵarmalary Qazaqstan, Reseı, Qyrǵyzstan, AQSh, Túrkııa, Germanııa, Japonııa jáne Baltyq jaǵalaýy elderiniń jeke kollekııalaryna qabyldanǵan.
Ekspozıııada sheberdiń tabıǵat qubylysyn seziný, túsiný, beıneleý qabiletiniń birden-bir kórinisi bolyp tabylatyn 90 jumys usynylǵan.
QR Memlekettik ortalyq mýzeıi barshańyzdy Qazaqstannyń kórkem tabıǵat álemine shaqyrady.
Kórme 2019 jyldyń 8 qańtaryna deıin sozylady.
Baılanys telefondary: 264-46-50, 264-55-77
