2017 jyly 14 naýryzda Á. Qasteev atyndaǵy QR Memlekettik óner mýzeıinde Qazaqstannyń halyq sýretshisi, Qazaq KSR Memlekettik syılyǵynyń laýreaty, Qazaq KSR eńbek sińirgen óner qaıratkeri, KSRO halyq sýretshisi Qanafııa Teljanovtyń týǵanyna 90 jyl (1927-2013) tolýyna arnalǵan «Otan týraly dastan» atty sýretshi týyndylarynyń mereıtoılyq kórmesi ashyldy.
Restrospektıvtik kórmege Qanafııa Teljanovtyń shyǵarmashylyq jolynyń negizgi kezeńderin qamtıtyn Á. Qasteev atyndaǵy QÓM qoryndaǵy 70-ke tarta keskindemelik jáne grafıkalyq týyndylary qoıyldy. Búginde Qanafııa Teljanovtyń epıkalyq qarqyny men kórkemdik oryndaý sheberligi jóninen tańǵajaıyp týyndylary ulttyq beıneleý óneriniń «altyn qorynyń» bir bóligin quraıdy. Qylqalam sheberiniń keskindemelerin qazaq halqynyń ómiri men tarıhy jóninen baıandaıtyn naǵyz kórkem dastandar men týǵan eliniń gúldenýine óziniń adamgershilik mindetin abyroımen aıanbaı atqaryp júrgen qarapaıym kolhoz eńbekkerleri, balyqshylar men jumysshylar jaıly áńgimeler deýge bolady.
Qanafııa Temirbolatuly Teljanov 1927 jyly 1 mamyrda Omby qalasynda dúnıege keldi. 1953 jyly I. Repın atyndaǵy Lenıngrad keskindeme, músin jáne sáýlet ınstıtýtyn Mıhaıl Avılovtyń sheberhanasynda oqyp, támamdady.1949 jyldan kórmelerge qatysýshy. Gogol atyndaǵy Almaty kórkemsýret ýchılıesinde jáne T. Júrgenov atyndaǵy Qazaq ulttyq óner akademııasynda sabaq berdi. Teljanov – 1976 jyly ashylǵan Qazaq KSR Memlekettik óner mýzeıiniń birinshi dırektory. Osy qyzmette júrgende murajaı kollekııasyn keńeıtip, ulttyq jáne álemdik ónerdi dáripteýde kóp jumys atqardy.
Qanafııa Teljanov eki márte Qazaq KSR Joǵarǵy Keńesine depýtat bolyp saılandy. Kóptegen halyqaralyq, búkilodaqtyq jáne respýblıkalyq kórmelerdiń qatysýshysy. Teljanovtyń shyǵarmashylyǵynyń dıapazony asa aýqymdy. Ol tarıhı jáne turmystyq keskindemelerdiń, portrettik jáne peızajdyq týyndylardyń avtory. Ekspozıııaǵa sheberdiń «Búrkitpen ańǵa shyǵý» (1954), «Atameken» (1958), «Kókpar» (1960), «Tynyshtyq» (1964), «Qyz qýý» (1966), «Qazan» trıptıhy (1970) jáne t.b. kirdi.
Qazaq kásibı keskindeme mektebiniń negizin salýshylardyń biri Qanafııa Teljanov búkil ómiri men qudiretti darynyn óz halqyna, gýmanızmniń jarqyn ıdealdaryna, Joǵary Óner jolyndaǵy shabytty jasampazdyqqa arnady.
Ámir Jadaıbaev
kórme jetekshisi, ónertaný ǵylymdarynyń kandıdaty
