«Altyn globýs» júldesin tabystaıtyn Hollıýdtyń shetel baspasózi qaýymdastyǵy (HFPA) «Sheteldiń úzdik fılmi» nomınaııasyna úmitkerlerdiń tolyq tizimin jarııalady. Bul tizimge «Qazaqfılm» kınostýdııasynyń úsh birdeı fılmi kirdi, olar: Ermek Tursynovtyń «Shyrakshy» fılmi, Aqan Sataevtyń «Tomırıs» tarıhı kartınasy jáne Farhat Sháripovtyń «Tulǵalyq ósý trenıngi» dramasy.
Aıta ketsek, osy nomınaııa boıynsha úmitkerler tizimine shetel tilinde túsirilgen 65 elden 93 fılm kirgen. Ústimizdegi jyly 9 jeltoqsanda «Altyn globýs» júldesine úmitkerlerdiń qysqa tizimi jarııalanatyn bolady.
Keler jyldyń basynda otandyq prokatqa shyǵatyn «Shyraqshy» fılmi Ekinshi dúnıejúzilik soǵysy kezinde nemis qarııadan kınoapparat syıǵa alǵan soldat týraly. Soǵystan soń elge oralǵan ol qartaıǵan shaǵyna deıin el aralap, kınoapparatpen eski fılmderdi kórsetýmen aınalysady.
«Tomırıs» tarıhı fılmi bizdiń zamanymyzǵa deıingi VI ǵasyrda bolǵan oqıǵany sýretteıdi. Fılmde kishkentaı qyzdan aıbyndy jaýyngerge aınalǵan, saq taıpalaryn óz bıligi astynda biriktirgen uly dalanyń aty ańyzǵa aınalǵan Tomırıs patshaıymynyń taǵdyry baıandalady.
Farhat Sháripovtyń «Tulǵalyq ósý trenıngi» fılmi qyryq jastaǵy orta jas kúızelisin keship júrgen, ómirden eshteńe kútpeıtin Qanat esimdi bank qyzmetkeri týraly baıandaıdy. Bir kúni bas keıipker koých-trenerdiń ómirde tabysqa jetý jáne kóshbasshy bolý jaıly tulǵalyq ósý trenıngine qatysady. Kóshbasshylyqtyń qyr-syryn túsinip, birazdan beri kórmegen tanysy Danııardy kezdestirgende, onyń ómirge degen kózqarasy ózgeredi.
«Altyn globýs» júldesiniń 77-marapattaý saltanaty 2020 jyly qańtardyń 5-nen 6-na qaraǵan túni ótedi.
