Sh.Aımanov atyndaǵy «Qazaqfılm» AQ prezıdenti, Qazaqstannyń eńbek sińirgen qaıratkeri Arman Ásenov kınostýdııanyń tolyqtaı tehnıkalyq modernızaııasy boıynsha jumystardy júrgizýde. Bul elimizdiń basty kıno alańy – «Qazaqfılmniń» órkendeýi baǵytynda jasalyp jatqan basty máselelerdiń biri. Osyǵan oraı kınostýdııa ákimshiligi keńesý úshin álemniń úzdik mamandaryn tartýda.
Jaqynda ǵana kınostýdııa modernızaııasy jobasy sheńberinde Arman Ásenovtyń arnaıy shaqyrýymen Holıýd prodıýseri A.Fradıs 5 kúnge sozylǵan jumys saparmen Almatyǵa kelgen bolatyn. Kelissózder barysynda «Qazaqfılmniń» prezıdenti sheteldik qonaqqa kınostýdııanyń tynys-tirshiligimen tanystyryp, pavılondar men tehnıkalaryn kórsetip, kınostýdııanyń jetken jetistikteri, qıyndyqtar men aldaǵy josparlarymen bólisti. Kınostýdııanyń basshysy sheteldik qonaqqa belgili kazaqstandyq fotograf Nıkolaı Postnıkovtyń elimizdiń tabıǵaty sýrettelgen «Uly dala boıaýlary» atty avtorlyq albomyn estelikke syıǵa tartty.
Aıta ketsek, A.Fradıstyń modernızaııa máseleleri boıynsha úlken tájirıbıesi bar. Ol óziniń kınodaǵy mansabyn Odessa kınostýdııasynda bastaǵan. Keıin 1970 jyly AQSh-qa kóship, Holıýdta amerıkandyq kınojobalardyń nasıhattalýyna úlken úles qosqan. Sondaı-aq ol postkeńestik kezeńde kınostýdııalar jumystarynyń uıymdastyrý erekshelikterimen jaqsy tanys jáne álemdik prokatqa baǵyttalǵan blokbasterler shyǵaratyn amerıkandyq kınokompanııalar men prodıýserlerge qajetti ózekti málimetterdi biledi. Atap ótsek, A.Fradıs «Mosfılmniń», Ýkraına men Koreıadaǵy kınostýdııalardyń modernızaııasyna belsene atsalysqan. Ol Máskeýdegi «Oktıabr» kınoteatrynyń qurylysy jobasynyń ázirleý jumystaryna, sondaı-aq «NTV Kıno» kompanııasyn uıymdastyrýyna belsene qatysqan.
Holıýdta qomaqty qarjymen týyndylar túsiriletini jasyryn emes. Basqa elderde belgili bir dárejede balamaly qyzmet kórsetetin stýdııalardyń joqtyǵynan olardyń óndiriske jumsalatyn qarajaty da azaımaıtyny belgili.
Sondyqtan da, «Qazaqfılmde» jappaı jańǵyrtý jumystary júrgizilgen jaıǵdaıda otandyq kınostýdııanyń qyzmeti sheteldik kompanııalar arasynda baǵasy jaǵynan básekeles bolyp, úlken suranysqa ıe bolary sózsiz.
Esterińizge sala ketsek, 2019 jyly Qazaqstannyń kıno óndirisi salasynda úlken ózgerister oryn aldy. Byltyrǵy jyldyń 3 qańtarynda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev «Kınematografııa týraly» zańǵa qol qoıdy. Bul zańdaǵy ózekti aspektilerdiń biri – Qazaqstan aýmaǵynda (bıýdjeti 1 mln. dollardan kem emes) fılmder túsiretin sheteldiń kınokompanııalary óndiriske jumsalǵan qyzmetterdiń qunyn 30%-ǵa deıin qaıtarý múmkindigi – rebate júıesi engizilgen. Bul tásil Kazaqstannyń kıno óndirisine qosymsha ınvestıııalardy tartýǵa múmkindik beredi, al ol úshin álemdik standarttarǵa saı zamanaýı kınostýdııa qajet.
Sh.Aımanov atyndaǵy «Qazaqfılm» AQ prezıdenti A.Ásenov jáne Aurora Films Entertainment Corporation kompanııasynyń dırektory A.Fradıs kezdesý nátıjesinde «Qazaqfılm» kınostýdııasynyń modernızaııasy jobasy aıasynda birlesip jumys isteý týraly hattamaǵa qol qoıdy. Yntymaqtastyqtyń kelisimi boıynsha sheteldiń qonaǵy «Qazaqfılmniń» búgingi tehnıkalyq múmkindikteri boıynsha saraptyq qorytyndy jasap, álemdik standarttarǵa saı kınostýdııa modernızaııasynyń tolyq josparyn usynatyn bolady. Seriktesterdiń kezekti kezdesýi osy jyldyń tamyz aıyna josparlanǵan (Los-Anjeles qalasynda).
