Ispanııanyń Barselona qalasynda qazannyń 30-y men qarashanyń 10-y aralyǵynda ótip jatqan Asian Film Festival Barcelona kınofestıvaline Hýat Ahmetovtyń «Árýaq», Ázızjan Zaıyrov pen Muhamed Mamyrbekov túsirgen «Qyz ben teńiz», Jańabek Jetirýovtyń «Shyńyraý», Tólegen Baıtúkenovtyń «Satash» jáne Aldııar Baırakımovtyń «Na granı» fılmderi qatysyp jatyr. Atalǵan kınotýyndylardy QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen.
Bıyl jetinshi ret uıymdastyrylyp otyrǵan ıspanııalyq festıvalde Azııadaǵy 25 eldiń 100-ge jýyq fılmderi kórsetiledi. Baıqaýdyń basty baǵdarlamasynan bólek, festıval sheńberinde Asian Film Awards Academy kınoakademııasy (Honkońda ornalasqan) taǵaıyndaǵan Asian Film Awards júldesi tabystalady jáne Japonııanyń kıno qory uıymdatyrýymen japondyq kınorejısser Iasýjıro Odzýdyń (Yasujiro Ozu) retrospektıvasy ótedi.
- «Árýaq» fılmi eki keıipkerdiń – Aǵataı qart pen jetim balanyń kezdeısoq ushyrasýy týraly baıandaıdy. Fılmde basty roldi qazaq kınosynyń metri Asanáli Áshimov somdaıdy. Aıta ketsek, KSRO halyq artısi osy fılmide somdaǵan roli úshin jaqynda ǵana Anapa qalasynda ótken «Kınoshok» kınofestıvalinde úzdik er adam róli júldesimen marapattalǵan bolatyn;
- «Qyz ben teńiz» áleýmettik fılminde BP-men aýyratyn Ásel esimdi boıjetkenniń ómiri baıandalady. Onyń bar armany – mahabbatyn kezdestirip, otbasyn qurý. Ýaqyt óte Ásel BP-men aýyratyn Tahır esimdi jigitti kezdestirip, ómiri ózgeredi;
- Belgili jazýshy, memleket jáne qoǵam qaıratkeri Ábish Kekilbaevtyń povesi boıynsha túsirilgen «Shyńyraý» fılmi qudyq qazýshy Eńseptiń oqıǵasyn baıandaı otyryp, menmendik, baqtalastyq, mahabbat, dostyq, qastandyq syndy adamǵa tán qubylystardy kóteredi;
- «Satash» kartınasy qylmyskerlermen shaıqasqa túsken aýyldyń Satash esimdi adal ýchaskelik polıeıi týraly baıandaıdy. Qaraqshylar turǵyndarǵa kúsh kórsete bastaǵanda, bas keıipker Satash olarǵa jalǵyz ózi qarsy turyp, boryshyn sońyna deıin óteıdi;
- «Na granı» fılmi bir-birine múldem uqsamaıtyn, alaıda taǵdyrlary kezdeısoq toǵysqan jasóspirimder týraly baıandaıdy. Otbasy jylýy men jaqyndarynyń qoldaýynan aıyrylǵan, tipti áleýmetpen til tabysa almaı júrgen olar bastaryn qaýipke tigedi.
Atalǵan kınotýyndylar basqa da halyqaralyq kınofestıvalderge qatysyp, júldeli oryndardy ıelengen bolatyn.
