1998 jyly «Tań Sholpan»Halyqaralyq táýelsiz sýretshi áıelder qory quryldy. Sol jyly «Tengrı Ýmaı» galereıasynda alǵashqy kórme ótti. «Tań Sholpan» degen ataý jańǵyrý, tańnyń atýy, tańǵy juldyzben baılanysty.
2019 jyly úlken úzilisten keıin Qor óziniń shyǵarmashylyq qyzmetin qaıta bastady. Osy ýaqyt ishinde ár qatysýshy shyǵarmashylyq jáne uıymdastyrýshylyq jumysta jańa tájirıbe jınady, ózin-ózi tanydy, jeke jáne kásibı ósý kezeńderinen ótti. Búgingi tańda Qorda Qazaqstan, Ózbekstan, Túrkimenstan, Tájikstan, Qyrǵyzstan, Aýstrııa, Germanııa, Kanada, AQSh, Túrkııa elderiniń kásibı kórkemóner salasynda joǵary bilimderi bar keskindeme, grafıka, sándik-qoldanbaly óner, músin sııaqty túrli óner salasynda jumys isteıtin, basqa da elderdiń kásibı sýretshileri bar. Qor daryndy sýretshilerge álemdik art-keńistikte óz shyǵarmashylyǵyn ashýǵa jáne kórsetýge múmkindik beredi, olardyń barlyǵyn óner men shyǵarmashylyqqa degen mahabbat biriktiredi, olardyń árqaısynyń óz kózqarasy men óz tujyrymdamasy bar. Kórme únemi jańa baǵyttardy, formany, plastıka men kompozıııanyń mánerliligin, óziniń kórkem tilin izdep júrgen talantty jas sýretshilerdiń shyǵarmashylyǵyn kórsetedi.
Áıel sýretshilerdiń shyǵarmashylyǵy arqyly áıeldiń kúshi tek óziniń tutastyǵy men daralyǵyn saqtaı bilý, ózin qurmetteýdi jáne súıýdi úırený, ózimen úılesimdi ómir súrý qabiletinde ǵana emes, sonymen birge áıel – sýretshi-sheber, jasampaz, kreatıvti oılaıtyn jáne ómirge degen kózqarastarynyń ózindik áserimen qaraıtyn, onyń barlyq qııaldary, oılary men tájirıbelerin óziniń shyǵarmashylyq jumysynda beıneleıtinin túsinýge jáne moıyndaýǵa bolady. Osy ýaqyt ómiriniń, oqıǵalardyń, búkil ishki álemniń ózgerýi – osynyń bári osy kórmege qatysýshylardyń shyǵarmashylyǵynda bar.
«Turaqsyz 2020 jyl jáne álemde bolyp jatqan oqıǵalar adamdardyń ómirine áser etti. COVID-19 pandemııasyna baılanysty biz ómirge degen kózqarasty ózgerttik, qundylyqtardy baǵalaýdy úırendik, álem basqasha kıipke endi! Adamzat ómir saltyn túbegeıli ózgertti, biz damýdyń jańa kezeńin bastan ótkerip jatyrmyz jáne burynǵydaı ómir súrý múmkin emes. Biz tuıyq keńistikte bolýdy úırendik, onlaın oqytý, logdaýn jáne t.b. ne ekenin bildik. Biz ózgerdik! Biz ádettegiden ádemi kórýdi jáne baǵalaýdy úırendik! Ómirimiz ben shyǵarmashylyǵymyz jalǵasýda...», - dep atap ótti Qor Prezıdenti, kórmeni uıymdastyrýshy, sýretshi Jámıla Táken.
Onlaın-kórmege 100-ge jýyq úzdik keskindeme jáne grafıkalyq jumystar, sándik-qoldanbaly óner týyndylary qoıylǵan. Bul belgili qazaqstandyq jáne sheteldik sýretshilerdiń jumystary: Sáýle Bapanova, Ásııa Haırýllına, Raýshan Bazarbaeva, Jámıla Táken, Gúljamal Tagenova, Gúljanat Qabıjanova, Elena Tıo, Aıgúl Hakimjanova, Gúlshat Mádibıeva, Dınara Nóger, Elena Iokton, Altynshash Alpysbaeva, Lılııa Pozdnıakova, Dılorom Mamedova (Ózbekstan), Roza Janǵaracheva (Qyrǵyzstan), Galına Shvaıger (Germanııa), Marlıs Lepıchnık (Aýstrııa), Áıgerim Ronaher (Aýstrııa), Leıla Ahmet-Osman (AQSh), Aıjan-Sara Janseıitova, Almagúl Esimova, Janat Kóshen, Halıda Myrzahmetova, Quralaı Amanjolova, Aıjan Ómirbaeva, Marııa Sorokovskaıa, Lıdııa Drozdova, Nargız Alıb, Janat Tabyldıeva, Madına Temirǵalıeva jáne basqa da daryndy sýretshiler qatysty.
Kórme onlaın rejımde áleýmettik jelilerde – Facebook, Instagram paraqshalarynda jáne YouTube arnasynda 3 tilde (qazaq, orys jáne aǵylshyn) usynylady.
