2021 jyldyń 16 qańtarynan bastap Á. Qasteev atyndaǵy Qazaqstan Respýblıkasynyń Memlekettik óner mýzeıiniń Ortalyq kórme zalynda ornıtolog, fotograf, operator jáne kınorejısser Oleg Belıalovtyń «Jan dúnıe geografııasy» atty retrospektıvti fotokórmesi ashyldy.
Oleg Belıalov – burynǵy KSRO aýmaǵyndaǵy myqtylardyń biri Dolgýshın ornıtologııa mektebiniń izbasary, onyń Orta Azııada, Qazaqstanda, Altaıda, Mońǵolııada, Izraılde jáne Afrıkada túsirilgen kadrlary bar, kóptegen ǵylymı basylymdar men anyqtamalyqtardy bezendirdi. Onyń «Jetisý», «Altyn-Emel. Qazaqstan tabıǵatynyń injý-marjany», «Qyzǵaldaqtar elinde», «Qarqaraly», «Baıanaýyl» biregeı derekti kartınalary halyqaralyq kınofestıvalderde marapattarǵa ıe boldy.
Ol 1960 jyly 23 tamyzda Alma-Ata qalasynda dúnıege kelgen. Jas kezinde Ile ornıtologııalyq otrıadyna Anatolıı Fedorovıch Kovsharǵa qabyldandy. 1984 jyly ol óziniń mansabyn «Qazaqfılm» kınostýdııasynda ákesi, áıgili qazaqstandyq derekti kınorejısser Vıacheslav Belıalovtyń, operatordyń kómekshisi retinde bastady. 1987 jyldan bastap operator jáne fotograf retinde kásibı jumys jasaǵan. 20-dan astam fılmder men 100 asa polıgrafııalyq jobalardy jasaýǵa qatysqan. Ol óz fılmderinde senarıı avtory, rejısser jáne operator rólderin atqardy.
Kórme kýratory, ónertanýshy Kaırbekova G.B
