Klara Isabaeva
Mýzeıdiń baspasóz qyzmetiniń jetekshisi
2019 jyldyń 23 jeltoqsan kúni Á.Qasteev atyndaǵy QR Memlekettik óner mýzeıinde Qazaqstan Respýblıkasy Mádenıet jáne sport mınıstrliginiń beıneleý óneri, qoldanbaly óner, sáýlet pen dızaın boıynsha Kórkemdik keńesiniń otyrysy ótti. Keńesti Mınıstrliktiń mádenıet jáne óner departamentiniń dırektory Kúmis Qarsaqbaıqyzy Seıtova ótkizdi. Kúmis Qarsaqbaıqyzy salanyń jetekshi mamandaryn tyńdap, ondaǵy jetistikter men máselelerdi túsinýge tyrysty.
Óziniń sóılegen sózinde QR Sýretshiler Odaǵynyń tóraǵasy Ómirbek Jubanııazov beıneleý óneri salasyndaǵy úlken máselelerdi atap kórsetti – tapsyrystardyń túspeýi, kórkemdik naryqtyń stıhııalyq sıpaty, al qala ortasynda talǵamsyzdyqtyń sanyn arttyrǵan estetıkaǵa saı emes art-nysandar jańbyrdan keıingi sańyraýqulaqtaı kóbeıýde. Sýretshiler tenderdi utyp ala almaıdy, sebebi osynyń barlyǵy baǵanyń tómendeýine negizdeledi. Al, shynaıy týyndy arzan bolmaıdy. Sondaı-aq, ol shyǵarmashylyq úderisti retteý, shyǵarmashylyq qyzmet týraly zań qabyldaý qajettiligi týraly aıtty. Sýretshiler Odaǵynyń tóraǵasy, sonymen birge, Jazýshylar odaǵy jyl saıyn 25 memlekettik stıpendııa alady, basqa 25-i basqa odaqtarǵa beriledi, al eń úlken Sýretshiler odaǵy eshteńe almaıdy dep qynjyldy. Budan bólek, Sýretshiler odaǵynda memlekettik marapattarǵa qatysty másele bar. Máskeýdegi Abaı eskertkishiniń avtory Marat Áınekov mınıstrlikke kandıdatýrasy únemi usynylǵanymen, ehtaǵy kóptegen áriptesteri sııaqty memlekettik marapatty ala almaı qaıtys bolyp ketti.
Ónertanýshy, Sýretshiler odaǵynyń múshesi Kamılla Lı sýretshilerde ózderin elge qajetsiz degen túsinik paıda bolǵandyǵyn atap aıtty. Bizde shyǵarmashylyq eńbektiń ereksheligi eshbir jerde eskerilmeıdi. Memlekettik satyp alýlarda – eń tómengi baǵalar, memlekettik satyp alý týraly zańda osy máselelerdi retteý kerek. Eskertkishter qandaı negizde buzylady? Tarazda Naýryzbaevtyń Jambyl eskertkishi buzyldy.
QR Eńbek sińirgen qaıratkeri, professor Baıtursyn Omarbekov Kamılla Lıdi qoldap, Tarazdaǵy Jambyl eskertkishiniń buzylýy jergilikti bıliktiń beıneleý ónerine degen uıatty ári soraqy kózqarasy ekenin atap ótti. Sonymen qatar ol rıtorıkalyq suraq qoıdy: "Bizge kórkemdik bilim kerek pe?". Sońǵy jyldary arnaıy pánderdiń qysqarýy baıqaldy - sýret salýdyń 3 saǵaty, aptasyna 3 saǵat keskindeme, biraq sýretshiler úshin sahna tili páni qosylýda?! Al sýretshi kúnine keminde 2 saǵat sýret salýy kerek! Baıtursyn Esjanuly kórkemdik bilim salasyndaǵy kóptegen máselelerge toqtaldy.
Qolónershiler odaǵynyń tóraıymy Aıjan Bekqulova uzaq jyldar boıy qolónershiler festıvaliniń ıdeıasyn ákimdik arqyly nasıhattap kelip, biraq bir bezendirý fırmasy bul ıdeıany ótkizýde tenderdiń jeńimpazy boldy dep qynjyldy, osy sharany uıymdastyrý úshin fırma 40% usynady, biraq ol bas tartady. Másele, óner salasyndaǵy jobalardy júzege asyrý tenderlerin ónerden alys uıymdar jeńip alady, eń bastysy biliksizder kórkemdik qaýymdastyqty kóbirek alańdatady. Osyǵan baılanysty, Qazaqstan úlken ımıdjdik shyǵyndarǵa ushyraýda.
Óz salalaryndaǵy máseleler týraly QR qurmetti sáýletshisi Almas Ordabaev, sáýlet doktory Aıjan Ahmedova, ónertanýshy Olga Batýrına, sýretshi Alpysbaı Qazǵulov jáne keńestiń basqa da qatysýshylary sóz sóıledi.
Kúmis Qarsaqbaıqyzy beıneleý óneri týraly jeke zań qabyldaý múmkin emes dep naqty jaýap berdi, biraq mádenıet týraly zańdy keńeıtýge bolatynyn aıtty. Múmkindiginshe, mınıstrlik anyqtalǵan máselelermen jumys isteýge tyrysady, biraq olardyń barlyǵyn qysqa merzimde sheshý múmkin emes, óıtkeni olardy basqa da mınıstrliktermen – bilim, qarjy, Atameken palatasymen jáne taǵy basqalarymen kelisý kerektigin atap ótti.
