Rejısser A.Maemırovtyń «Qoshtasqym kelmeıdi» spektakliniń kórsetken basty problemasy - qoǵamdaǵy aktýaldy másele, ajyrasý. Qoıylym Mıtııa jáne Katıa degen eki jastyń qyzǵanysh, urys-kerisi, birin-biri túsinbeýshiliginen bastaý alady. Jalpy sahnada akterlar sany óte kóp. Onyń ishinde segiz juptyń ajyrasý máseleleriniń túrli sebepteri kórsetiledi. Sahnada aıtarlyqtaı dekoraııa joq. Tek temir tósekpen, sany sheksiz sómkeler. Akterlerdiń oıyny ǵana muny jaýyp ketip tur. Bul qoıylymdy tárbıelik máni bar dep esepteýge bolady. Sebebi, qazirgi kezdegi birin-biri túsine almaı júrgen jastarǵa, kórermenderge kóp oı salar edi. Akterler oıyny óte joǵary dárejede, kórermenge shynaıylyqpen jetkizildi. Onyń ishinde, birde kúldirtip, birde jylatyp uıyta bilgen Ǵazıza Ábdinábıeva. Róli epızodtyq bolǵanymen de, kórermenge kóp kúlki syılaı bildi.
Segiz juptyń ishindegi otaǵasylardyń biri Azamat Satybaldy, qyzýqandy, ashýlanshaq minezimen este qalsa, al Zarına erke, jarasymdy qylyqtarymen este qalady. Zarına Kármenova men Azamat Satybaldynyń akterlik sheberlikteri joǵarǵy deńgeıde kórindi. Jyltyraǵan kostıýmsiz, jaltyraǵan grımsiz, basy artyq dúnıesiz qyryq ártis kórermenmen syrlasady. Taǵy da aıta ketetin jaıt, qoıylymnyń mýzykalyq fragmenti. Nemis kompozıtory F.Shýberttiń «Keshki serenadasy» utymdy tańdap alynǵan. Spektakl ár túrli janrdaǵy bılermen árlengen. Kóńildi kóterip tastaıtyn da sátteri boldy.
Qoıylym fınaly óte áserli. Akterler qoldaryndaǵy chemodandarymen jas otaýdyń irgesin qalaǵandaı, bári aınaldyryp qoıyp shyǵady. Otbasy - shaǵyn memleket. Memlekettiń qabyrǵasyn qulatyp almaý ár januıanyń ózine baılanysty. A.Volodınniń bul shyǵarmasyndaǵy otbasylar ómirde de kezdesedi. Mahabbatty qadirlep, saqtap qalý maqsatyndaǵy, osy qoıylym úshin myń alǵys.
