Жаңалықтар

Қазақстан Республикасының Мемлекеттік орталық  музейінде <strong>Қазақстандағы көркемөнерден алғаш үздіксіз үш сатылы білім беру жүйесінің негізін қалаған ғалым, профессор Ибрагимов Ұлықбек Шарахынұлын еске алуға арналған «Естеліктер айнасы»</strong> атты көрмесінің ашылуы өтті.

Португалияның Лиссабон және Синтра қалаларында қарашаның 16-ы мен 25-і аралығында өткен 12-ші халықаралық LEFFEST кинофестивалінің жеңімпаздары анықталды. Фестивальдің «Үздік фильм» жүлдесі қазақстандық режиссер Эмир Байғазиннің «Өзен» фильміне  бұйырды. Аталған кинотуынды фестивальдің негізгі конкурсына қатысып, Еуропа, Азия, Солтүстік және Оңтүстік Америка елдерінің фильмдерімен үздік атануға таласты.

Халықаралық адам құқығы күніне орай 29 қараша күні Алматы қаласы Орталық мемлекеттік музейде жыл сайынғы World Press Photo-2018 бірегей фотокөрмесінің ашылуы өтеді.

2018 жылдың 28 қарашасында сағат 16.00-де Ә. Қастеев атындағы ҚР Мемлекеттік өнер музейінде, ҚР Тұңғыш Президенті күніне орайластырылған «Қазақстан кескіндемесі» ғылыми каталогының ІІ томының салтанатты тұсаукесері өтеді. Қазақстан тарихында алғаш рет кескіндеме каталогының толық көрнекі ғылыми басылымы шығарыла бастады.

2018 ж. 29 қарашада сағат 16.00-де Ә. Қастеев атындағы ҚР Мемлекеттік өнер музейінде Қазақстанның еңбек сіңірген қайраткері, Қазақстан Суретшілер одағы мен Қазақстан Дизайнерлер одағының мүшесі, ҚР Суретшілер одағы Шымкент ұйымы басқармасының төрағасы Сұлтан Иляевтің «Мәңгілік таңбалары» көрмесінің салтанатты ашылу рәсімі болады.

Орал қаласында Х.Бөкеева атындағы облыстық қазақ драма театрының актеры әрі бас режиссері Самал Қадерұлы Әбуовтың Астана қаласында "Жастар жанары" орталығы дайындауымен «Театр.Тарих.Тағылым.» атты алғашқы жинағы жарық көрді. Кітаптың аты айтып тұрғандай, жинаққа облыстық қазақ драма театры, онда қолтаңбасы қалған өнер тұлғалары, бүгінде қызмет етіп жүрген театр майталмандары енгізілген.

26 қыркүйек сағ. 19:00 Консерваторияның Үлкен залында (Абылай хан даңғ, 90) Б.Шөкенов атындағы I Республикалық ағаштан жасалған үрмелі аспаптар байқауының ашылу салтанатына байланысты ауқымды концерт өткізіледі.

21 қарашада, Алматы қаласында 14-ші Халықаралық Шәкен Айманов кинофестивалінің салтанатты жабылу рәсімі өтті. Салтанатты кеш Абай атындағы Мемлекеттік академиялық опера және балет театрында өтті. Жабылу рәсіміне әлемдік және қазақстандық кинематоргафтың жарқын жұлдыздары қатысты.

Португалияның Лиссабон қаласында қарашаның 19-ы мен 25-і аралығында өтіп жатқан 12-ші Халықаралық Lisbon &amp; Sintra Film Festival кинофестивалінде Дәрежан Өмірбаев фильмдерінің ретроспективасы өтуде.

20-қараша күні сағ 11.00-де Алматы қаласындағы Ұлттық кітапханада Халықаралық Шәкен Айманов кинофестивалі аясында «Түркі киносы – Даму Бағыты» атты түркі киносын әлемге таныту тақырыбына арналған дөңгелек үстел өтті.