Жаңалықтар

Бүгін, 10 желтоқсанда сағат 16:00-де ҚР Ұлттық кітапханасында «Қазақстан табиғаты: Хангүл соңынан» атты жаңа деректі фильмнің көрсетілімі өтеді. Фильмнің сценарий авторы және режиссері Виталий Чернов. Фильмді ҚР Мәдениет және спорт министрлігі тапсырысы бойынша "Қазақфильм" киностудиясы түсірген.

Алматыда желтоқсанның 10 мен 14 аралығында, ҚР Ұлттық кітапханасында ҚР Мәдениет және спорт министрлігінің тапсырысы бойынша, Ш.Айманов атындағы «Қазақфильм» киностудиясында отандық документалистика саласының майталмандары түсірген деректі фильмдердің көрсетілімі өтеді. Аталған фильмдер Елбасы Нұрсұлтан Назарбаевтың «Ұлы даланың жеті қыры» атты мақаласында көтерілген мәселелерді көрсетеді.

Қазақстан Республикасы Мәдениет және спорт министрлігінің қолдауымен Астана қаласындағы Қазақ ұлттық өнер университетінде 2018 жылғы желтоқсан айының 10-11 күндері аралығында белгілі кинотанушы, профессор, Қазақстандағы кәсіби кинотанудың негізін қалаушы, Қазақстанның еңбек сіңірген қайраткері, «Құрмет» орденінің иегері Бауыржан Рамазанұлы Нөгербектің 70 жылдығына арналған Республикалық қысқаметражды фильмдер фестивалі мен ғылыми-практикалық конференция өтеді.

Мемлекет басшысының қаулысымен 2018 жылғы әдебиет пен өнер саласындағы мемлекеттік сыйлығының иегерлері анықталды.

Елбасы Нұрсұлтан Назарбаевтың Жарлығымен  Қазақстан Республикасының 2018 жылғы әдебиет пен өнер саласындағы Мемлекеттік сыйлыққа Қазақстан Республикасы Мәдениет және спорт министрлігі тапсырысы бойынша «Қазақфильм» киностудиясы «Новый мир продакшн» ЖШС және Sataifilm компанияларымен бірлесе түсірген «Анаға апарар жол» фильмінің шығармашылық тобы лайық деп танылды.

12-13 желтоқсанда «Трансформа» кеңістігінде заманауи авторлардың пьесаларының оқылымы болады. Іс-шара Алматылық театр сыншысы, драматург Ольга Малышеваның бастамасымен жүзеге асқалы отырған «Читки.» жобасының тұсауын кескелі отыр.

Назарбаев орталығында «Алтын тобылғы» Республикалық әдеби байқауы қорытындыланды. Оған түрлі жанрда қалам тербеп жүрген 18 бен 35 жас аралығындағы қаламгерлер қатысты.

<em>ЮНЕСКО Қазақстан Ұлттық Федерациясы Клубтарының 10-жылдығын</em> атап өту қарсаңында Қазақстан Республикасының Орталық мемлекеттік музейінде 8-желтоқсан күні сағат 16.00 ЮНЕСКО клубы «Алые паруса» көркемсурет шеберханасының шәкірттері дайындаған «Қал қалпақтай» балалар шығармашылығы көрмесі ашылады.

2018 жылдың 27 және 28-ші қарашасында «CulturalDialogue» ҚҚ және Алматы қаласындағы ЮНЕСКО-ның бюросы, ҚР Тұңғыш Президенті – Елбасы Қорының, Гете институтының және ASEF Азия-Еуропалық Қорының (Сингапур) қолдауымен Орталық Азиядағы мәдени саясат және басқару бойынша халықаралық форум өткізді. Бұл —Қазақстан, Қырғызстан, Өзбекстан және Тәжікстан мәдени практиктерінің екінші кәсіби шарасы.

28 қараша мен 1 желтоқсан аралығында Астанадағы «Мәскеу» Бизнес орталығында жаңадан ашылған «Платформа» кеңістігінде  «ATAU»  кинофестивалі өтті. Байқауға қатысқан қысқаметрлі студенттік  фильмдер қатарынан жеңімпаздар анықталды.