Táýelsizdik jyldary jaryqqa shyqqan anımaııalyq fılmder jelige júkteldi

«Qazaqfılm» kınostýdııasy barlyq qazaqstandyqtardy Halyqaralyq anımaııa kúnimen quttyqtaıdy. Bul mereke úlkenge de, kishige de ortaq, óıtkeni bala kezden súıip tamashalaıtyn mýltfılmder adam minez-qulqynyń qalyptasýyna áser etetini barshaǵa málim. Búginde elimizdegi anımaııanyń sapasy men jetken jetistikteri de qýantarlyq. Mysaly, jaqynda ǵana Germanııada ótken 24-Halyqaralyq balalar men jasóspirimderge arnalǵan Schlingel festıvalinde «Muzbalaq» tolyqmetrli anımaııalyq fılmi synshylardyń joǵary baǵasyn alyp, «Úzdik anımaııalyq fılm» júldesine ıe boldy.

- Ámen Qaıdarov negizin qalaǵan qazaq anımaııasy búginde elimizde, sonymen qatar shetelde de úlken suranysqa ıe. Sapasy jaǵynan batystyń fılmderinen kem túspeıtin bizdiń mýltfılmder únemi halyqaralyq festıvalderge qatysyp, júldeli oryndardan kórinip júr.  

Ózderińiz biletindeı, bıyl qyrkúıektiń ortasynda «Qazaqfılmde» qazaq kınosynyń murajaıy ashylǵan bolatyn. Osy merekege oraı «Qazaqfılm» kınostýdııasy elimizdiń anımaııa salasynyń damýyna úles qosqan kınoger ardagerlerimizge estelik syılyqtardy – qazaq anımaııasynyń 50 jyldyǵyna arnaıy shyǵarǵan kúmis monetalaryn jáne poshta markasyn tabystady.

Anımaııa óneri – kıno óndirisindegi strategııalyq mańyzdy ári eń qyzyqty salalardyń biri. Biz úshin ár kórermen qymbat, sondyqtan da anımaııa salasynda da búldirshinderimizdiń kóńilinen shyǵýǵa tyrysamyz, - dedi «Qazaqfılm» kınostýdııasynyń prezıdenti Arman Ásenov.

Sonymen qatar, kınostýdııa basshysy osy jyldyń sońyna deıin búgingi qazaq anımaııasyna arnalǵan poshta markalarynyń jaryqqa shyǵatynyn aıtty. Bul markalarda Sh.Aımanov atyndaǵy «Qazaqfılm» kınostýdııasynyń «Anımaııalyq kıno» shyǵarmashylyq birlestiginde túsirilgen mýltfılmderdiń («Qoshqar men teke», «Maqtanshaq qyz», «Er Tóstik jáne Aıdahar») kadrlary beınelenetin bolady.

Aıta ketsek, QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ-nyń táýelsizdik jyldary jaryqqa shyǵarǵan birneshe anımaııalyq fılmderdi «Qazaqfılm» kınostýdııasynyń Youtube jelisindegi resmı arnasynan kórýge bolady.

Anımaııalyq fılmderdiń tizimi:

1. «Kúltegin» / Rejısseri - Adaı Ábildınov / 2017 jyl.
2. «Muzbalaq» /Rejısserleri -Turdybek Maıdan, Tilek Tóleýǵazy / 2017 jyl.
3. «Tımýr men Janık» / Rejısseri - Ramıl Ýsmanov/ 2010 jyl.
4. «Tımýr men aıdahar» / Rejısseri - Ramıl Ýsmanov / 2013 jyl.
5. «Jeruıyq» / Rejısseri - Adaı Ábildınov / 2013 jyl.
6. «Maqtanshaq qyz» / Rejısseri - Ramıl Ýsmanov /2011 jyl.
7. «Qoshqar men teke» / Rejısseri - Batyrhan Dáýrenbekov / 2008 jyl.
8. «Er Tóstik jáne Aıdahar» / Rejısserleri -  Jáken Danenov, Rýstam Turalıev / 2012 jyl.
9. «Qazaqstan -  bizdiń ortaq úıimiz»  (9 serııaly anımaııalyq ıkl)/2014 jyl.
10. «Qazaq Eli» /Rejısseri - Batyrhan Dáýrenbekov/ 2015 jyl.

Odan bólek, «Qazaqfılm» kınostýdııasy qazaq kınosynyń altyn qoryna engen fılmderdi, onyń ishinde qazaq kınosynyń klassıgi Sháken Aımanov túsirgen barlyq fılmderdi óziniń youtube jelisindegi resmı arnasyna júkteýdi josparlap otyrǵanyn aıta ketken jón.