QR Mádenıet jáne sport mınıstrligi tapsyrysy boıynsha "SAQ-dala" JShS túsirgen "Qazaq eli" anımaııalyq fılmi mamyr aıynan bastap kórermen nazaryna usynylǵan bolatyn. 2D jáne 3D tehnologııalary paıdalanylǵan týyndy – bolashaq handar Jánibek pen Kereıdiń balalyq shaǵynan eseıýine deıingi ýaqytty baıandaıdy.
Anımaııalyq fılmniń jaryqqa shyǵýyna QR mádenıet jáne sport mınıstri Arystanbek Muhamedıuly, tarıh ǵylymdarynyń doktory Jambyl Artyqbaı jáne belgili jazýshy Dýlat Isabekov qatysty.
Atalmysh týyndy Kaır qalasynda ótken "HH Halyqaralyq anımaııalyq fılmderdiń forýmyna" qatysyp, "Eń úzdik tolyqmetrli anımaııalyq fılm" júldesine ıe boldy. Sondaı-aq, kınokartınanyń kompozıtory Rýslan Shynyqulov pen fılmniń áýenin jazýǵa qatysqan mýzykant Janbolat Ádilov "Qurmet" dıplomymen marapattaldy. Aıta ketetin jaıt, anımaııalyq kınotýyndylardyń halyqaralyq festıvalderge qatysýyn Sh.Aımanov atyndaǵy "Qazaqfılm" AQ júzege asyrady.
Aqparat www.kazakhfilmstudios.kz saıtynan alyndy
Aıjan ESENGELDI
