Jánábil Nazerke
T.Júrgenov at. QazUÓA
I kýrs, kınotaný
Nur-Sultan qalasynda 20-24 qańtar aralyǵynda ATAU qysqametrli fılmder festıvali ótedi. Festıval maqsaty jas rejısserlerdi qoldaý jáne shyǵarmashylyq ıdeıalarmen almasý bolyp tabylady.
Platforma.projectroom jobasy bolyp tabylatyn festıvalge bıylǵy jyly RedMark kınostýdııasy, Artop, Aru Cınema jańa kınoteatrlar jelisi qoldaý bildirdi. Kýratorlary - Aıgúl Ibraeva men Áıgerim Májıthan.
Qazylar alqasynyń quramyna kınorejısser Erlan Nurmuhambetov, kınotanýshy Erjan Jumabekov, ónertanýshy Aıgerim Májıthan jáne ótken jylǵy ATAU festıvaliniń jeńimpazy Shuǵyla Serjan endi.
Jeńimpazdar kelesi nomınaııalar boıynsha anyqtalady: «Úzdik rejısserlik jumys», «Úzdik operatorlyq jumys», «Úzdik senarıı», «Úzdik akter», «Úzdik aktrısa», «Jańa kózqaras», «Kórermen daýysy».
Baǵdarlamaǵa 20-dan astam fılm enip, ár kesh saıyn 5-6 fılmnen kórsetilip otyrady. Sondaı-aq, bıyl joba geografııalyq shekarasyn keńeıtti. Baǵdarlamada Qazaqstandyq rejısserlermen qatar, Qyrǵyzstan jáne Ózbekstan fılmderi usynylady.
Aıta ketsek, byltyrǵy ATAU festıvaliniń «Úzdik fılm» júldesin Shuǵyla Serjan rejısserlik etken «Samal» fılmi ıelengen.
