Kınorejısser Rahymjan Qaldykózdiń «Quıyn» kórkemsýretti fılmi Túrkııanyń Býrsa qalasynda ótken VII Yed-i Velayet halyqaralyq qysqametrli fılmder festıvalinde úshinshi oryndy ıelendi.
Marapattaý rásimi 28 qyrqúıekte ótti. Festıvalge kelip túsken 680 ótinimniń ishinen 7 fılm ǵana sońǵy kezeńge ótken.
«Quıyn» fılmi Sh.Aımanov atyndaǵy «Qazaqfılm» kınostýdııasynyń «Debıýt» shyǵarmashylyq-óndiristik birlestiginde túsirilgen. Oqıǵasy anasyn jalmaǵan jáne ákesin múgedekter arbasyna baılaǵan jol apatynan keıingi ómirin baz qalpyna keltirýge tyrysqan otbasy jáıli.
Rahymjan Qaldygóz
1994 Ońtústik Qazaqstan oblysy, Qosaǵash aýylynda dúnıege kelgen. 2017 jyly QazUÓA «Kórkem kıno rejıssýrasy» (Elıa Gılman sheberhanasy), 2019 jyly magıstratýrasyn támamdady.
Fılmografııa
- 2016 – Sýmka (qysqametrli)
- 2017 – Shyńyraý (qysqametrli)
- 2020 – Quıyn (qysqametrli)
Festıvalder men júldeleri:
- KınoArt RKF – Sýmka, «Úzdik operatorlyq jumys» (Shymkent, 2016)
- Baiqonyr Short Film Festival – Shyńyraý, «Úzdik áıel roli» (Almaty, 2017)
- Samǵaý RKF – Shyńyraý, «Bas júlde» (Shymkent, 2017)
- Jaıyq RKF – Shyńyraý, «Úzdik rejısserlik jumys» (Oral, 2017)
- Zılant HKF – Shyńyraý, «Bas júlde» (Qazan, Tatarstan, RF, 2017)
- «Úmit» TMD elderi jastar kınosynyń forýmy – Shyńyraý, qatysýshy (Bishkek, Qyrǵyzstan, 2017)
- Alemlere Rahmet HKF – Shyńyraý, II oryn (Ystambul, Túrkııa, 2018)
- Yed-i Velayet HKF – Quıyn, III oryn (Býrsa, Túrkııa, 2020)
