Sizdi ǵajaıyp premeralar, eýropalyq rejısserler Renars Vımba (Latvııa) jáne Karolın Tırıon (Belgııa) atynan arnaıy master-klass pen baspasóz kezdesýleri kútedi!
Bıyl kórermender nazaryna Eýropalyq Odaqtyń 16 elinen 16 úzdik kınofılmderi usynylady. Kıno týyndylary arasynda túrli janrdaǵy kıno salasyndaǵy halyqaralyq marapattardyń júldegerleri men úmitkerleri bar, atap aıtqanda, úsh «Sezar» syılyǵynyń júldegeri – «Kishkentaı fermer» (Bloody Milk), «Davıd dı Donatello» syılyǵynyń ıegeri – «Chambra» (A Ciambra), «Úmit aıyby» (The Vice of Hope) fılmderi, Kann festıvaliniń synshylar aptasynyń Gran-prı ıegeri – «Dıamantıno» (Diamantino), Lokarno kınofestıvaliniń ádilqazy alqalarynyń arnaıy syılyq júldegeri – «Reı men Lız» (Ray & Liz), Veneııa kınofestıvaliniń «Úzdik akter» nomınaııasynyń júldegeri– «Áýlıe Georgıı» (Saint George), Karlovy Vary kınofestıvaliniń «Úzdik rejısser» nomınaııasynyń júldegeri – «Shek» (The Line) , «Qysqy shybyn-shirkeı» (Winter Flies) jáne Býharest, Slovenııa, Slovakııa, Monreal, Tokıo, jáne Sandens kınofestıvaldarynyń birqatar syılyqtar ıegerleri.
5-qarasha kúni festıvaldi Berlın kınofestıvali men Latvııanyń ulttyq kınofestıvaliniń júldegeri, rejısser Renars Vımbanyń «Men osyndamyn» kınotýyndysy ashady. Bul fılm kóshi-qon, otbasy, qoǵam, ósip-eseıý men tabıǵat jaıly oqıǵany baıandaıdy.
Festıval aıasynda 6-qarasha kúni Eýropanyń kórnekti kınorejısserleri – latvııalyq Renars Vımba men belgııalyq Karolın Tırıon arnaıy master-klass beredi. Olar master-klass qatysýshylaryna ózderiniń júldeger týyndylaryn usynyp, fılm shyǵarý, pıtchıng, jáne derekti fılm túsirý boıynsha keńester men tájirıbesimen bólisedi. Semınarlar Turan Ýnıversıtetinde ótedi (Almaty, Sátbaev k-si 16).
Festıvaldi 7-qarasha kúni Karolın Tırıonnyń «Mbýdha» derekti fılmi tamamdaıdy. Kınofılmde Enn Lodısýanyń qorǵaýǵa alýǵa tıis baı ári sırek bıologııalyq sanalýandylyq týraly maǵlumat jınaý maqsatymen Kongo Demokratııalyq Respýblıkasyna jasalǵan ekspedıııasy kórsetilgen.
Fılmder orys tilindegi sýbtıtrlermen birge túpnusqa tilinde kórsetiledi (Mbýdha fılmi aǵylshyn tilindegi sýbtıtrlermen kórsetiledi).
Barlyq kórsetilimderge kirý tegin (tegin bıletterdi kórsetilim kúni kınoteatr kassalarynan ala alasyz).
Festıvaldiń ashylý kúni men ýaqyty: 5-qarasha, 18:00
Ótetin orny: Chaplin Mega Park Almaty, Maqataev kóshesi 127/1, Almaty.
