Atau 2020 jeńimpazdaryn atady

Aıgerim Majıthan

ónertanýshy

Nur-Sultan qalasynda qańtar aıynyń 20-24 aralyǵynda ATAU 2020 qysqametrli fılmder festıvali ótti. Kınofestıvalda Ózbekstannan, Qyrǵyzstannan, Almatydaǵy T.Júrgenov atyndaǵy Qazaq ulttyq óner akademııasy men elordamyzdaǵy Qazaq ulttyq óner ýnıversıtetinen stýdentterdiń qysqametrli fılmderi qatysty. Barlyǵy jıyrmadan astam jumys pen saıystan tys tórt kartına kórsetildi.

Festıvaldiń dırektory - ónertanýshy Aıgúl Ybraeva: «Biz Platforma.projectroom keńistiginde Ataý kınofestıvalin 2018 jyly qarasha aıynyń 28-i men jeltoqsannyń 1-i arasynda ótkizgen edik. Sol kezde Qazaq ulttyq óner ýnıversıtetiniń kıno fakýltetinde oqıtyn stýdentterdiń kýrstyq jumystaryn qarap talqylaǵan edik. Endi myna jyly demeýshilerdiń kómegimen kınoteatrda kásibı úlken ekranda jumystaryn tamashalaı aldy. Ataý 2020 kınofestıvaline demeýshi bolǵan «Redmark» jetekshisi, dırektory Álııa Áýbakirova men onyń kómekshi tobyna, ArýSınema kınoteatryna alǵysymyzda aıtamyz! Bul festıvaldiń maqsaty – jas rejısserlerge qoldaý kórsetý, jańa esimderdi ataý. Kórermender arasynda syn kózqarasty damytý, mysaly kórermender fılmderge daýys berý múmkindigine ıe boldy».

Qazylar alqasy quramynda Erlan Nurmuhambetov – kınorejısser; Erjan Jumabekov – kınotanýshy, synshy; Aıgerim Majıthan – ónertanýshy, sýretshi; Shuǵyla Serjan – Ataý 2019 festıvaliniń jeńimpazy, rejısser.

Júldeli oryn alǵan fılmder tizimi:

1. «Úzdik rejısserlik jumys» – «Qaǵaz tikushaq»/rejısseri: Álisher Jádigerov;
2. «Úzdik operatorlyq jumys» – «Tango»/operatory: Abdrahman Dıas;
3. «Úzdik senarıı» – «Shoq»/rejısseri: Asylbek Musabekov;
4. «Úzdik akterlyq oıyn» (erler arasynda) – «Damır na 1-m kýrse»/rejısseri: Amır Amenov. Damır Beshakov basty ról úshin;
5. «Úzdik akterlyq oıyn» (áıelder arasynda) – «Qonaq»/rejısseri: Nursultan Nýskabekov. Janar Shoqpanova fılmdegi basty ról úshin;
6. «Jańa kózqaras» – «Mandarınkı»/rejısseri: Elızaveta Novıkova;
7. «Búgingi kún kókeıkestigi» – «Aldııar»/rejısseri: Sanjar Amansýgýrov;
8. «Úzdik derekti fılm» – «Podsolnýh»/rejısseri: Chıngız Sýlýmbetov (Kyrgyzstan);
9. «Úzdik kórkemdik-vızýaldy sheshim úshin» –«Poelýı v kýrılke»/rejısseri: Malıka Tasbýlat;
10. «Halyq tańdaýy» – «Lıýmery»/rejısserleri: Dante Rýstav pen Hrıstıana Beloýsova (Ózbekstan);
11. «Halyq tańdaýy» – «Baýyr»/rejısseri: Elaman Shaýbanov.