10-12 mamyr aralyǵynda Semeı qalasynda alǵashqy ALASH qysqametrli fılmder festıvali ótedi. Festıval «Rýhanı jańǵyrý» baǵdarlamasy aıasynda bolady.
ALASH kınofestıvali elimizdegi tájirıbeli jáne jas kınogerler arasynda ótedi. Baıqaýdyń basty maqsaty – kıno ónerine Shyǵys Qazaqstan oblysynyń nazaryn aýdarý, sondaı-aq, atalmysh aýdandaǵy kınematograftyń damýyna úles qosý. Festıvaldiń avtory ári dırektory - Raıymbek Tóleýǵazy.
Baıqaýǵa búkil Respýblıka boıynsha kórkemsýretti qysqametrli fılmder qatysa alady. Usynylǵan fılmderdiń hronometrajy 20 mınýttan aspaýy tıis. Janr men taqyrypqa shekteý joq. Ótinishterdi qabyldaý 2018 jyldyń 9 sáýirine deıin jalǵasady.
ALASH kınofestıvali eki kezeńnen turady. Birinshi kezeńde arnaıy komıssııa fılmderdi baıqaý baǵdarlamasyna iriktep alady. Ekinshi kezeńde fılmder kórsetilimi bolyp, jeńimpazdar anyqtalady.
Úzdik jumystar 8 nomınaııa boıynsha baǵalanady: «Úzdik rejısser», «Úzdik senarıı», «Úzdik operatorlyq jumys», «Úzdik áıel roli», «Úzdik er adam roli», «Kompozıtordyń úzdik jumysy», «Úzdik montaj» jáne «kórermender kózaıymy». Sonymen qatar, qatysýshylar demeýshilerden arnaıy júldeler men estelik dıplomdarǵa ıe bolady.
Qatysýshylar fılm men túsirilim toby jaıly málimetterdi jáne baılanys nómirlerin erke_rej@mail.ru elektrondy meken-jaıyna jiberý qajet.
