“13 kılometr” derekti fılmi Brazılııada qazannyń 23-i men 29-y aralyǵynda ótken Halyqaralyq “Eńserý” (“Overcome”) kınofestıvalinde arnaıy júldege ıe boldy. Fılmdi QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy “Qazaqfılm” AQ túsirgen. Fılmniń rejısseri – Vladımır Tıýlkın.
Jaqynda ǵana Reseıde ótken derekti fılmder festıvalinde arnaıy júldege ıe bolǵan “13 kılometr” derekti fılmi Serik Bodanbaev esimdi zaǵıp týraly baıandaıdy. Fılmniń keıipkeri óziniń shydamdylyǵy men tabandylyǵynyń arqasynda úlken sharýa qojalyǵynyń ıesi bolyp otyr.
- Bul fılmde basyna túsken qıyndyqtardy eńserip, dittegen maqsatyna jete bilgen er azamattyń taǵdyry sýretteledi. Bul fılm túrli festıvalderge qatysyp, júldeli oryndardan kórinip jatqanyna óte qýanyshtymyn, – dedi fılmniń rejısseri.
Festıvaldiń bas júldesi – “Sheteldiń úzdik fılmi” júldesin rejısser Roman Hrýtyń “Pechorın” fılmi ıemdendi. “Eń úzdik akter” atalymy “Mýss” (rejısseri Djon Hellberg) kartınasynda somdaǵan Stefan Bertolaǵa berildi, al «Úzdik derekti fılm» júldesimen Klavdııa Bershadskaıa túsirgen reseılik “Ushý” fılmi marapattaldy. “Eń úzdik qysqa metrajdy fılm” júldesi “Tynysh bala” fılmine buıyrdy.
“13 kılometr”
- Rejısseri jáne senarıı avtory: Vladımır Tıýlkın
- Qoıýshy operatory: Iýrıı Pak
- Komozıtory: Ǵalymjan Sekeev
- Rejısser týraly aqparat:
Tıýlkın Vladımır Vıktorovıch – kınorejısser, aqyn. Táýelsiz “Platınaly Tarlan” syılyǵynyń laýreaty, KSRO kınematografıster odaǵynyń múshesi. 1955 jyly 12 aqpanda Semeıde týǵan. 1982 jyly S.M.Kırov atyndaǵy Qazaq Memlekettik ýnıversıtetiniń fızıko-matematıkalyq fakýltetin támamdaǵan. 1987 jyly Lenıngrad memlekettik teatr, mýzyka jáne kınematografııa ınstıtýtyn bitirgen; 1993 jyly KSRO Memkıno joǵarǵy kýrsyn G.Chýhraıdyń sheberligi boıynsha bitirgen.
V.Tıýlkınniń shyǵarmashylyǵynda ondaǵan derekti fılmder bar. Fılmderi túrli halyqaralyq konoforýmdarda júldelerge ıe bolǵan.
Fılmografııasy.
Derekti fılmderi:
- “Býdý zaıatsıa sam” (KF, 1987);
- “Bosıkom po snegý” (KF, 1988);
- “Malenkaıa Nına” (KF, 1989);
- “Ýchıtel ı ýchenık” (“Iskýsstvo” №2, KF, 1989);
- “Kletka” (KF, 1990);
- “Povelıtel mýh” (KF, 1990);
- “REM” (“Sobachıı krematorıı”, KF, 1993);
- “Opyt kresta” (“Experimentumcrucis”, s T. Popovpen birge, GALA-TV, 1995);
- “Angel-hranıtel” (Stýdııa “M-Art”, 1998);
- “Patetıcheskaıa sımfonııa” (2000);
- “Pro lıýbov” (2002);
- “Nepokorennaıa vershına” (2003);
- “Tatý v podnebesnoı” (2004, der. serıal);
- “Obrechennye vyjıt” (2005);
sonymen qatar,
- “Slýchaınyı gost” (“Polýnochnyı gost”, KF, 1992) qysqametrli kórkem fılmi jáne t.b.
Derekkóz: www.kazakhfilmstudios.kz
