2017 jyldyń 11-qarashasynda, saǵat 15.00-de Qazaqstan Respýblıkasy Memlekettik Ortalyq mýzeıi men Art Market galereıasy "Farfor ónerindegi Jibek joly jaıly Beıjiń ańyzy" atty Qytaı zamanaýı beıneleý óneriniń kórmesin ashady.
Qazaqstan Respýblıkasy Memlekettik ortalyq mýzeıiniń sońǵy on bes jyl ishinde júrgizgen keshendi sharalarynyń biri – álemniń túrli elderimen mádenıet salasynda halyqaralyq baılanysty nasıhattaý bolyp tabylady. Mýzeıde Qazaqstanda akkredıttelgen shet memleket Elshilikteri jáne konsýldyqtarymen birlese túrli taqyryptyq kórmeler, is-sharalar uıymdastyryp ótkizý dástúrge aınalǵan. Osynyń bir naqty dáleli – kórermender nazaryna usynylyp otyrǵan "Farfor ónerindegi Jibek joly jaıly Beıjiń ańyzy" atty Qytaı zamanaýı beıneleý óneri kórmesi. Myńdaǵan jyldar boıy qytaı halqy farfor buıymdaryn óz memleketiniń atynan dostasqan elderine, dıplomattarǵa tabystap belgili adamdarǵa syılaǵany belgili. Osyndaı baılanystar arqyly Qytaıdyń ózge eldermen qarym-qatynasy nyǵaıyp, túrli ulttardyń dostyǵy tereńdep, qytaı mádenıeti álemge taraldy.
Kórmeniń basty maqsaty – qazaqstandyqtardy ejelgi qytaı halqynyń mádenıeti, órkenıeti, sándik-qoldanbaly óneri, qundy muralarynan habardar etý.
Taǵdyrdyń ózi shektese ómir súrip, kórshilik baılanysta bolýdy jazǵan qazaq pen qytaı halqynyń sonaý kóne zamandar qoınaýynan bastaý alatyn tarıhı dostyq qarym-qatynasy búginde qarqyndy damýda. Álemge áıgili Uly Jibek joly shektes elderdiń ózara qarym-qatynasynyń damýyna jol ashty.
Ejelden-aq kúlli álemge tanymal bolǵan Qytaı farfory qytaıdyń dástúrli mádenıetiniń bir bóligi bolyp tabylady. Arab tilinen aýdarǵanda "farforly zat" sóziniń máni "qytaılyq", "Qytaıdan" degen uǵymdy bildiredi eken. Farfor ejelgi Qytaı sheberleriniń qoltýmasy sanalsa da, áli kúnge deıin óz sapasy, ásemdigi boıynsha joǵary baǵalanady.
Kórmede Qytaı sýretshiler qaýymdastyǵynyń múshesi, Art Market keskindeme ınstıtýtynyń vıe-prezıdenti Ma Haıfan; Qytaı sýretshiler assoıaııasy keńesiniń basqarma tóraǵasy Lı Chynsıý; Beıjiń mádenıet jáne tarıh ınstıtýty, Qytaı sýretshiler assoıaııasy, Beıjiń sýretshiler assoıaııa keńesiniń múshesi Chjen Shanlý; Beıjiń keskindeme akademııasy sýretshiler komıtetiniń orynbasary Chjýan Sıaoleı; zınan ýnıversıteti óner akademııasynyń prezıdenti Chjan Telın; tanymal sýretshi Chen Maochan; Qytaı sýretshiler assoıaııasy, Lıaonınsk ınstıtýty kórkem jazý jáne keskindeme keńesiniń múshesi Lı Sıýveı syndy kásibı sýretshilerdiń jumystary qoıylady.
Saǵat 16.00-17.00 aralyǵynda Qazaqstannyń Mádenıet jáne óner qaıratkerleri men Qytaı sýretshileriniń shyǵarmashylyq ótkiziledi.
Mine, aspanasty eliniń baǵa jetpes qundylyqtary – kóne mádenı murasyn endi Almaty jurtshylyǵy men qonaqtary da tamashalaý múmkindigine ıe bolady.
Kórme qarasha aıynyń 14-ne deıin jalǵasady.
