Maqala
Jetisý teatrynyń jetistikteri
Jer jánnaty – Jetsiý óńiriniń rýhanı ortalyǵy Taldyqorǵannyń Bıken Rımova atyndaǵy qazaq drama teatry ekeni talas týǵyzbas
Bólim: Teatr
Datasy: 14.12.2017
Avtory: Меруерт Жақсылықова
Maqala
Jetisý teatrynyń jetistikteri
Jer jánnaty – Jetsiý óńiriniń rýhanı ortalyǵy Taldyqorǵannyń Bıken Rımova atyndaǵy qazaq drama teatry ekeni talas týǵyzbas
Bólim: Teatr
Datasy: 14.12.2017
Avtory: Меруерт Жақсылықова
Jetisý teatrynyń jetistikteri

Respýblıka teatrlary arasynda óz kelbeti men oıyp alar orny bar óner ordasynyń shyǵarmashylyǵymen tereń tanysýdyń sáti túsip, repertýardaǵy alty spektakldi kórip-talqalaýǵa múmkindik aldyq. Osy rette «Synshylar aptalyǵyn» ótkizip, óz baǵyt-baǵdaryn tanyp-bilýge nıet etken teatr basshylyǵynyń arnaıy shaqyrýyna alǵysymyzdy bildiremiz.

Synshylar nazaryna usynylǵan alǵashqy qoıylym jazýshy-dramatýrg D.Ramazannyń «Kereı-Jánibek» tarıhı dramasy. Qoıýshy-rejısseri Bazarbek Toqymtaev. Qazaq handyǵynyń qurylǵanyna 550 jyl tolýyna oraı dúnıege kelgen atalmysh spektakldiń ıdeıasy jas urpaqty patrıotızmge tárbıelep, tamyryn tereńge tartqan tarıhtyń tolǵaqty sátterin jańǵyrta otyryp, bolashaqta el birligin, ult tutastyǵyn saqtaýǵa shaqyrady.

Dramatýrgııalyq materıaldyń salmaǵy keleli kórkem tilge qurylǵanymen, sóz tartysyn syrtqy áreketpen kómkerýde shaban tartqan osal tustary da joq emes. 1960 - 1980 jyldardaǵy dramatýrgııa estetıkasynda jazylǵan pesaǵa zamanaýı ún berýde rejısserdiń kóp izdengeni baıqaldy. Sýretshi Qarlyǵash Shalabaeva qazaqtyń saharadaı sary dalasynyń kelbetin jáne sol qıyn-qystaý kezeńniń beınelik sheshimi retinde qońyrqaı-sarǵylt tústi matalardy paıdalanyp, pesadaǵy ár túrli jerlerde ótetin oqıǵalardyń ornyn jetkizetin, ári olardyń basyn toǵystyratyn sahnalyq bezendirýdi júıeli túrde jaqsy júzege asyrǵan. Oqıǵanyń fınaldyq sahnasyndaǵy Qazaq handyǵynyń sımvoly ispetti aq kúmbezdi saraıdyń paıda bolýy áserli metafora ekeni sózsiz. Sýretshi qııalynyń osyndaı jemisti jetistikterin óz oıymen ushtastyra bilgen B.Toqymtaevtyń rejısserlik sheshimderi de ornymen oqylyp jatty. Máselen, taıqazandy ortaǵa alǵan alqaly toptyń keńesý sáti tarıhı shyǵarmaǵa ǵuryptyq kórik berip, oqıǵanyń mańyzyn arttyrǵan. Taıqazan ornalasqan mosynyń úsh buty úsh júzdiń belgisi desek, ár bir júzdiń ókili taıqazanǵa táý etýi de utymdy teńeý qatarynda.

Rejısserdiń paıym-tujyrymyn jetkizýshi akterlerde dramatýrgııalyq negizge saı óz rolderin jaýapkershilikpen oryndap shyqty. Bas keıipkerler Kereı – «Eren eńbegi úshin» medaliniń ıegeri, «Eńlikgúl» syılyǵynyń laýreaty Saǵyndyq Jumadil men Jánibek – akter Erkebulan Aıdymbaev somdaǵan sultandardyń beıneleri «elim» dep eńiregen tarıhı tulǵalardy kóz aldymyzǵa ákeldi. Kereı-S.Jumadil aqyl toqtatqan, oń-solyn anyq tanyǵan salıqaly saıasatker retinde kórinse, al E.Aıdymbaev óz keıipkeriniń jastyq albyrttyǵyna, birbetkeı batyrlyǵyna basa nazar aýdarǵan. Sondaı-aq, akter B.Toqymtaev somdaǵan Asan-Qaıǵy baba beınesi erekshelenip esimizde qaldy. Asan-Qaıǵy-B.Toqymtaevtyń syrt tulǵasy, jaǵymdy qońyr daýsy, sheshen sóz ben asyl oılardy jetkizýdegi sheberligi kóńilge de, kókeıge de qonyp jatty. Spektaklge qatysqan barlyq akterler berik oryndaýshylyq ansamblge qol jetkizgen. Ásirese, Ábilqaıyr – Dáýlet Qanat, Jırenshe sheshen – Maqsat Aqjolov, Rábııa Sultan begim – Aıgerim Bekbolatova, Qotan taıshy – Serik Nurhalyq, Aqjol bı – Abaı Nuǵmanov, Qobylandy batyr – Erlik Qalıbek, t.b. oıyn máneri áserli bolyp, spektakldiń kórkem ıdeıasyn ashýǵa kóp yqpalyn tıgizdi.

Degenmen, qoıylymnyń áli de tolyqtyrar tustary joq emes. Máselen, spektakldiń erekshe atmosferasyn sezine almadyq, sebebi qoıylymnyń ekpin-yrǵaǵy anyqtalmaı qalǵan. Akterler oıynynda áli de bolsa jattandylyq basym. Batyrlardy keskindeıtin akterlerdiń kostıýmderi men grımderi jáne rol oryndaý mánerleri de birdeı, daralyqtary joq. Mýzykalyq partıtýra oqylmaıdy. Spektaklge saltanattylyq, kúsh-jiger, rýh jetpeıtin jatty. Biraq bul eskertpeler bolashaqta sheshimin tabar dep senemiz. Qoryta aıtqanda, teatrdyń iri tarıhı taqyrypty megerýdegi talpynysy quptarlyq, búgingi jastarǵa berer taǵlymy mol spektakl deımiz.

Tarıhı tulǵalardyń ómirinen syr shertetin kelesi bir spektakl «Ilııas» derekti dramasy. Jetisý óńiriniń, qala berdi kúlli alash jurtynyń aıbyndy aqyny, qazaq poezııasynyń «Qulageri» atanǵan Ilııas Jansúgirovtiń 120 jyldyǵyna arnalyp qoıylǵan. Pesa avtorlary kórnekti fılolog-ǵalym, ilııastanýshy Muratbek Imanǵazınov pen rejısser Nazym Óteýlınova. Drama Ilııastyń jaryq dúnıe esigin ashý sátinen bastalyp, onyń erjetip, hat tanyǵan, sosyn qoǵam qaıratkeri kezimen, sońǵy demi shyqqan sátine deıin qamtyǵan. Jiti aýysyp otyratyn sahnalyq epızodtar, bólek-bólek oqıǵany arqaý etkendikten pesada bas keıipkerdiń minezi dıalektıkalyq damý, dramalyq tartys ústinde ashylmaıdy. Shyǵarma Ilııasty qorshaǵan orta men HH ǵasyr basyndaǵy qoǵam jáne óner qaıratkerleriniń ómirinen derekter berýmen shekteledi. Pesada qobyzshy Molyqbaı, Barlybek Syrttanov, Maıra Ýálıqyzy, Áset Naımanbaev, Maman Turysbek syndy qazaqtyń belgili azamattaryjolaıy kórsetilip, olarǵa az-maz toqtalyp ótedi. Qysqarta aıtsaq, dramatýrgııalyq materıaldyń tanymdyq máni basym ekendigi talas týǵyzbaıdy, biraq Ilııastyń jan-syryn, ony alańdatqan máselelerdi, aqynnyń asqaq armanyn estidik desek jalǵan sóılegenimiz bolar. Pesa avtorlarynyń kásibı maman emes ekenin eskere otyryp, jalpy bolashaqta teatr ujymdary pesa jazýdy kánigi dramatýrgterge tapsyrsa durys bolar edi dep otyrdyq.

«Ilııas» spektakliniń sahnalyq nusqasy dramatýrgııadan ketken kemshilikterge qaramastan joǵary deńgeıden kóringen. Dramadaǵy ıllıýstratıvtik jeli, plakattyq baǵyt munda da qaıtalanady. Degenmen, jas rejısser Nazym Óteýlınova «joq» dep qol qýsyryp qarap otyrmaı, joqtan bar jasaǵany quptarlyq. Rejısserdiń tujyrymyna saı spektakl derekti drama esteıkasynda jasalǵan. N.Óteýlınova aqyn ómir súrgen kezdegi zulmat zamannyń tynysyn jetkizip, Ilııas jáne ol sııaqty qanshama qyrshynynan qıylǵan qazaqtyń kózi ashyq, kókiregi oıaý azamattary kórgen qorlyqty dálme-dál kórsetýdi kózdegen. Rejısser óz oı-tujyrymyn derekti kadrlar arqyly da ońtaıly sóıletkeni kóńilge qonady. Spektakldiń qaısybir tustarynda (Ilııastyń dúnıege kelý kezi, Ilııastyń anasynyń túsi, t.b.) ornymen qoldanylǵan kóleńkeli (tenevoı) sheshimder rejısserdiń kásibı daıarlyǵynyń jetkilikti ekenin baıqatty. Ásirese, N.Óteýlınova rol oryndaýshylardy sátimen iriktep alǵany onyń rejısserlik júgin jeńildetken.

Jas Ilııasty oınaǵan E.Aıdymbaev poezııa men bilimge qushtar, ásemdik pen kórkemdikti janymen túsinetin, jastyq jalyny asqaqtaǵan bozbala retinde kórindi. Jas Ilııas – E.Aıdymbaev, aqynnyń alǵashqy ǵashyǵy Aıtolqyn – A.Kenbaeva, jas kezindegi dosy Shamaı – Sh.Múken arasynda ótetin oqıǵa barysynda úsh akterdiń ádemi trıosy spektakldiń sátti sahnalary qatarynda. Úsh akter óz keıipkerleriniń is-qımylyn, sóıleý mánerin jaqsy taba alǵan.

Pesada atqaratyn júgi shamaly bolsa da Jansúgir (Ilııastyń ákesi) – B.Toqymtaev, Kókish (Ilııastyń anasy) – A.Tóleýova, Maıra Ýálıqyzy – R.Qapasheva, Maman Turysbek (Mamanııa mektebiniń negizin qalaýshy) – S.Nurhalyq, t.b. jasaǵan sahnalyq beıneler halyq kóńilinen shyǵary sózsiz. Osylardyń arasynda keń tynysty ánshiligimen, seriligimen top jaryp, ár sózimen, áreketimen oqıǵaǵa qan júgirtken Á.Naımanbaev rolindegi Kendebaı Temirbaıulynyń sheber oıyny nazarymydy birden baýrady. Onyń sahnalyq turpaty men kostıýminen, erkin qozǵalysynan akterlik babynyń kemeldigin baıqaý qıyn emes. Rejısser K.Temirbaıulyna ánshi-aqyn Ásettiń rolin berýde jańylyspaǵan. Onyń akterlik qabileti bul beıneni dóńgeletip jiberýge suranyp-aq tur.

Al orta jastaǵy Ilııas beınesin artıst Abaı Nuǵmanov ózinshe órbitedi. Ustamdy da, emoııaǵa sarań oıyn mánerin ustanǵan akter óz keıipkerin qarapaıym adamnan qaraǵanda halyq túsinigindegi aqyn beınesine jaqyn etip keıipteıdi. Bul rette, pesada Ilııastyń qoǵam qaıratkerligine qalaı kóterilgeni týraly eshteńe aıtylmaıtynyn eske alsaq, akterdiń oıyn máneriniń osy tóńirekten shyqqanyna tańyrqamaımyz da. Pesada joq dúnıeni akter óz janynan qospasy anyq.

Ilııastyń jubaıy Fatıma beınesin jasaǵan aktrısa Aıan Qojbanova óz keıipkeriniń lırıkalyq boıaýyna basa nazar aýdarǵan. Fatıma-A.Qojbanova názik te, sezimtal áıel retinde esimizde qaldy.

Tergeýshi rolindegi akter S.Jumadil oıyny naǵyz «shash al dese, bas alatyn» ókimettiń jandaıshaby bolyp shyqqan. Adamdy azaptaýdyń nebir quıtyrqy qyrlaryn meńgergen tergeýshi - S.Jumadil sol kesapat zamannyń zulymdyǵyn jetkizýshi bola bildi.

Osylaısha, teatr akterleri men rejısserdiń tatýlyqpen atqarǵan eńbeginiń arqasynda Jetisý óreni, aqıyq aqyn Ilııas Jansúgirovtiń sahnalyq beınesi dúnıege kelip, kópshilikpen qaýyshty. Spektakl kemshiliksiz emes, onyń basty sebebi dramatýrgııanyń joqtyǵynda ekenin joǵaryda tilge tıek ettik.

Rasynda, dramatýrgııa kúrdeli sala. Sonyń ishinde komedııa jazý odan da beter qıyn sharýa. Al aıtar oıy salmaqty komedııany dúnıege ákelý ekiniń biriniń qolynan kelmeıtin qııametti is ekeni aıtpasa da túsinikti.

Otbasylyq qundylyqtar búginde usaqtalyp, erli-zaıyptylar arasyndaǵy mahabbat pen senim ashyq saýdaǵa túsip jatqany da jasyryn emes. Balger men ekstrasensterden kómek suraý, dýa jasaý qazirde sánge aınalǵany da shyndyq. Sonymen qatar, qoldan jasalǵan ár túrli «qoǵamdardyń» da otbaslyq ómirge etene aralasyp, «artyq etkenniń ornyna, tyrtyq etetini» sátteri de joq emes. Mine, osyndaı ózekti máseleni kóteretin belgili dramatýrg S.Balǵabaev qalamynan týǵan «Eń jaqsy erkek» komedııasy teatr repertýaryna osy maýsymda qosylypty. Rejısseri – Bolat Uzaqov, sýretshisi – Qarlyǵash Shalabaeva.

S.Balǵabaev «Eń jaqsy erkek»

Áıel men erkek arasyndaǵy máńgilik tartys, qyzǵanyshtyń kesiri, kredıt alyp toı jasaý, t.b. ómirde kezdesetin keıbir keleńsiz jaıttardy kúlki tilinde sóıltken avtor ıdeıasyn rejısser sahnada sátimen jalǵasyryp, janr tabıǵatyna saı damyta alǵan.

Keıipkerlerdiń ara-qatynasy men minez erekshelikterin ashýǵa den qoıǵan B.Uzaqov akterlik quramnyń barlyq qarym-qabiletin óz paıdasyna utymdy paıdalanǵan. Sóıtip, keıipkerlerdiń minez tartysy arqasynda tirshiliktiń shyndyqtary ashyla túsip, sahnalyq áreket shıryǵa beredi.

«Eń jaqsy erkek» qurmetti ataǵyn jeńip alǵan Alpannyń ómiri bir-aq sátte ózgeredi. Alpan rolindegi artıst Erlik Qalıbek oqıǵa barysynda óz keıipkeriniń ózgerisine saı túrlenip, áreket etedi. Akter dýaǵa deıingi jáne dýadan keıingi Alpannyń júris-turysyn, sóz saptaýyn dóp basqan. Onyń ishki-syrtqy plastıkasy, sıtýaııaǵa saı ıkemleýi akterlik mol qabiletin baıqatty. Komedııanyń kúlli júgin arqalap shyqqan akterdiń oıyny kórermendi baýrap alary anyq.

Oqıǵanyń damýyna áser etip, árekettiń kórigin qyzdyrǵan Násıhat Máslıhatovna rolindegi Qazaqstannyń halyq artısi Almahan Kenjebekovanyń oıyny qyzýly qýatymen tartady. Otbasylyq ómirdiń jaqsylyǵyn nasıhattaıtyn qoǵamdyq uıymnyń meńgerýshisi - A.Kenjebekova oıynynan úı sharýasymen shuǵyldanǵysy kelmeı, nemere men shóberege moıynsunbaı, basshylyq tizginin qolynan túsirgisi kelmeıtin belsendi qoǵam múshesin kóremiz. Onyń júris-turysy, buıyra sóıletin óktemdigi, sahnalyq kelbeti, jasandy shashy, kostıými bul beıneni tolyqtyryp, akterlik sheberliginiń myqtylyǵyn taǵy bir tanytty. Sahnada bir sekýndta bos turmaıtyn aktrısa óz yrǵaǵymen qasyndaǵy seriktesterinde kúsh-qýat berip, tartystyń shıryǵýyna septigin tıgizip baqty.

Komedııaǵa qatysqan akterler myqty ansambl túze bilgen. Rozabaný (tilshi-fotograf) – Máken Nurmuhambetova, Marııa-Magdalena (ekstrasens) – Álıhan Ydyrysheva, Aqkerbez – Aqmaral Tóleýova, Látıpajan (jas qyz) – Farıza Rysbekqyzy, Aılázzat (bıshi) – Aıgerim Bekbýlatova, Gulmaıdan (Alpannyń jubaıy) – Gúljazıra Tlepbergenova, Spanıdııar – Ǵanıdýlla Ońalbaıdyń ózara til tabysýy, birin-biri seziný komedııanyń qyzýyn arttyrǵan. Aqkerbez rolindegi A.Tóleýovanyń tabıǵı estiletin syńǵyrlaǵan kúlkisi, atyna zaty saı kerbezdengen is-áreketi ómirde ózinen basqany jaqsy kórmeıtin, birinshi orynda «meni» turatyn qyz-kelinshekterdi eske salady. Aktrısa óz keıipkeriniń erekshelikterin durys túsinip, komedııalyq kúıdi serpiltedi.

Ómirlik shyndyqty arqaý etken bul komedııa tek qazaq halqyna ǵana emes, jalpy adamzatqa tán máselelerdi kóterýimen qundy. Al Taldyqorǵan teatrynyń shyǵarmashylyq toby bul komedııany qazaqylandyrmaı eýropalyq deńgeıde deıin kótere bilgenine qýanyp qaldyq. Kúldirte otyryp oı tastaý ońaı sharýa emes, biraq ujym osy jaýapty isti oıdaǵydaı júzege asyra alǵan.

Shekspır «Romeo men Djýletta»

Árbir teatrdyń repertýarynda Shekspır týyndylarynyń oryn tebýi onyń shyǵarmashylyq múmkindigin aıqyndaıtyn kórsetkish deýge bolady. sebebi Shekspır shyǵarmalary teatr akterleriniń sheberlikterin shyńdaýǵa mol múmkindik beredi. Solardyń arasynda óskeleń urpaqqa shynaıy mahabbatyń úlgisin kórsetýde «Romeo men Djýletta» tragedııasynyń mańyzy zor. Shekspırdiń tógilgen tili, ondaǵy romantıka men lırıka tunǵan sezimder, adal mahabbat, bitispes tartys, naqaqtan bolǵan ólim, barlyǵy-barlyǵy eriksiz ózine baýraıdy. Sondyqtan bul ǵashyqtyq oqıǵasyn qazaq teatrlary da jıi sahnalaıdy. Tragedııanyń birneshe nusqasyn, ártúrli rejısserlik sheshimde kórgenimiz bar. Ár rejısser sýretker bolǵandyqtan burynǵy súrleýdi qaıtalamaı, klassıkaǵa jańasha zamanaýı ún berýdi kózdeıdi, ózindik ınterpretaııasyn, aıryqsha konepııasyn izderi anyq.

Taldyqorǵan teatrynyń tórinde atalmysh pesany jas rejısser Aıdyn Sahaman qoıypty. Degenmen, osy jolǵy «Romeo men Djýlettadan» naqty rejısserlik oqylymdy seze almadyq. Spektakldiń syrtqy formasy da, beınelik sheshimi de, tipti, keıipkerlerdiń ózara qarym-qatynastary da tabylmaǵan. Jekelegen sahnalyq kórinisterdiń áseri (máselen, Romeo men Djýlettanyń nekelesý sáti, t.b.) bolmasa, spektakldiń ón-boıynda tutastyq joq. Qoıylymnyń taǵy bir utylǵan jeri Romeo men Djýletta beıneleriniń tolyqqandy shyqpaýy der edik. Sahnadan shynaıy mahabbat jalynyn kórmegen soń, jalpy bul oqıǵanyń ne úshin, kim úshin ótip jatqanyn túsine almaı otyrdyq.

Spektaklde óner kórsetken jeke-dara akterlerdiń oıyny bolmasa, qoıan-qoltyq eńbek etken ansambl túzilmegen. Bul rette, Djýlettanyń kútýshisin oınaǵan aktrısa Sandýǵash Muńaıtpasovanyń sheberligin atap aıtýmyz kerek. Qaıta Órleý dáýiriniń bar jaqsy nyshandaryn boıyna jınaǵan S.Muńaıtpasova jasaǵan kútýshi beınesi oınaqylyǵymen, nanymdylyǵymen, jarqyndyǵymen erekshelenip turdy. Jınaqtaı aıtqanda, qoıylymda pysyqtaıtyn kemshilikter jeterlik. Degenmen, trýppanyń kúrdeli klassıkalyq shyǵarmany sahnalaýǵa qarym-qabileti jetetinin baıqadyq.

Ujymnyń balalarǵa arnalǵan bazarlyǵy da bar eken. Kórnekti jazýshy-dramatýrg D.Isabekovtyń «Qustar festıvali» pesasyn qoıýshy-rejısser N.Óteýlınova búldirshinderge laıyqtap qoıypty. Spektakl balalarǵa baǵyttalǵandyqtan rejısser pesanyń satıralyq-áleýmettik astaryn jeńildetip, sanaly túrde syrtqy sıýjetke ǵana mán bergen.

Sahna shymyldyǵy ashylǵanda kóńildi de oınaqy mýzykanyń áýenine bılegen qustardyń balyn kóremiz. Senografııalyq jasaýlaý da sábılerdiń qabyldaýyna qolaıly, qyzyldy-jasyldy ásem tústermen árlengen orman aǵashtary men gúlderge toly. Bul jerdi mekendegen san alýan qustardyń sahnalyq kıimderi de asa tartymdy. Jas balaqaılar árbir qanattyny esh qıyndyqsyz tanı alady.

Án baıqaýyna qatysqan qustar tobynyń arasynda Átesh (artıst B.Shoshabaev) basqarǵan taýyqtar (A.Qojbanova, A.Tóleýova) men balapandar (G.Tleýǵalı, A.Aqtóreeva) januıasy jáne Qarǵa (E,Qalıbek) men onyń otbasy (Ana qarǵa -A.Bekbýlatova, Bala qarǵa - E.Aıdymbaev) daralanyp turdy.

Ásirese, Toty rolindegi S.Muńaıtpasova sóz qaıtalýshy qustyń dybystyq, úndik mánerin, plastıkalyq sıpatyn kelisti etip oınaıdy. Onyń Toty ekenin jazbaı tanısyń. Aktrısanyń izdenisi bul joly da taıǵa tańba basqandaı oqshaýlanyp baıqaldy.

Sóz sońynda, spektakldiń mýzykamen kórkemdelýi, keıbir qustardyń kostıýmderi men plastıkalyq erekshelikterin qaıyry bir qaraýdyń artyǵy bolmas deımiz.

Qazirgi tańda dinı ekstremızm qaýlap turǵan shaqta teatr bul problemadan shettep otyra almasy anyq. «Adasqannyń aldy muz, arty jalyn» demekshi, búginde din jolyna tústim dep adasyp, ártúrli kertartpa baǵyttardyń yqpalyna ilikken jastar az emes. Taldyqorǵan teatrynyń «Haq joly» áleýmettik dramasy osy ózekti máseleni kóteredi. Dramatýrg, ári rejısser A.Ihsannyń bul shyǵarmasy dinı ekstremızmdi aýyzdyqtaýǵa degen alǵashqy talpynystardyń biri desekte, pesa dramatýrgııa zańdylyqtaryna tolyq jaýap bere almaıdy. Shyǵarmada áreket pen sóz arasynda qaıshylyqtar kezdesedi.

Rejısser B.Uzaqov óz qııaly men dúnıetanymyna júgine otyryp dramaǵa jańa ǵumyr berýge tyrysqan. Kóptegen sahnalyq metaforalardy qoldana bilgen ol dramalyq tartysty qoıýlandyra túsipti. Qajet jerlerinde dástúrli emes dinı aǵymdardyń jeteginde ketken ul-qyzdaryn izdep, qasiretten qan jutqan ata-analardyń hal-kúıin kórsetetin beınekadrlardy da paıdalanǵan. Spektakl ıdeıasyna tyńǵylyqty eńbek etken osyndaı rejısserlik amal-tásilder áýpirimdep osal dramatýrgııalyq shyǵarmany órge tartady.

Spektaklge qatysatyn trýppa músheleri rejısser usynǵan sheshimderdi durys túsinip, áreket etedi. Bas keıipker Sábıt rolindegi Birjan Shoshabaevqa áli de izdenis pen mol baıqampazdyq kerek-aq. Ǵadil (M.Aqjolov), Imam (B.Toqymtaev), Búrkit (A.Nuǵmanov), Gúljámılá (A.Tóleýova), Jánibek (E.Qalıbek), Nurjamal (A.Qobjanova) rolderi óz mindetine saı qoıylymnyń kókeıkesti maqsatyna jumys jasaǵan.

Osylaısha, «Haq joly» spektakli kórermenderi qandaı qıyndyq bolmasyn durys joldan taımaýǵa, bolashaqtan úmit úzbeýge shaqyryp, ómirde jaqsylyq pen izgiliktiń de baryn kórsetedi.

Qoryta aıtqanda, Taldyqorǵan teatrynda ótken «Synshylar aptalyǵy» eki tarapqa da paıdasyn tıgizgeni anyq. Bir baıqaǵanymyz ujymnyń shyǵarmashylyq múmkindikteri mol. Degenmen, bolashaqta teatr otandyq jáne sheteldik ártúrli rejısserlermen, sýretshilermen jumys jasaýdy myqtap qolǵa alýy tıis. Teatr repertýaryn tolyqtyrý úshin «jańa drama» nemese jańasha estetıkada jazylǵan zamanaýı pesalardy qoıyp, festıvaldik baǵyttaǵy da qoıylymdarǵa mán bergenniń artyǵy joq dep nıet bildirer edik.

teatrtanýshy Merýert Jaqsylyqova