Қазақ киносының алтын қоры YouTube'те

"Қазақфильмнің" YouTube арнасында қазақ киносының алтын қорына енген фильмдер ашық көрсетілімге шықты.

Қазақ киносының алтын қорына енген ең танымал туындыларды енді ғаламтордан көруге болады. Ш.Айманов атындағы «Қазақфильм» киностудиясы уақыт сынынан өткен, аңызға айналған фильмдерді тегін көрсетілімге шығарды.

16 наурыздан бастап киностудияның YouTube желісіндегі арнасынан: қазақтың алғашқы дыбыстық «Амангелді» фильмі (реж. М.Левин, Ленфильм, 1938 ж.), «Қыз-жігіт» (реж. П.Боголюбов, Алматы көркем және хроникалық киностудиясы, 1955ж.), «Менің атым Қожа» (реж. А.Қарсақбаев, «Қазақфильм», 1963 ж.), «Мәншүк туралы дастан» (реж. М.Бегалин, «Қазақфильм», 1969 ж.), «Көксерек» (реж. Т.Океев, «Қазақфильм», 1973 ж.), «Гауһартас» (реж. Ш.Бейсембаев, «Қазақфильм», 1975 ж.), «Транссібір экспрессі» (реж. Э.Оразбаев, «Қазақфильм», 1977 ж.), «Кардиограмма» (реж. Д.Өмірбаев, «Қазақфильм», 1995 ж.), «Қыз жылаған» (реж. С.Нарымбетов, «Қазақфильм», 2002 ж.) және т.б фильмдерді көре аласыздар.

Айта кету керек, бүгінде Ш.Айманов атындағы «Қазақфильм» АҚ ресми YouTube арнасында тәуелсіздік жылдары жарық көрген 4 толықметрлі және 15 қысқаметрлі анимациялық фильмдер, сонымен қатар, қазақ киносының классигі - Шәкен Аймановтың толық фильмографиясы бар.

«Қазақфильм» әкімшілігі фильмдерді тамашалау барысында жақсы әсерге бөленіңіз деген тілек білдіреді!

18 Наурыз 2020
80
0
0