Ulttyq fılmder dep tanylýǵa úmitti kınojobalardyń usynymdary 2019 jylǵy mamyr aıynyń 23-inen maýsymnyń 1-ine deıin qabyldanady. Fılm mynadaı negizderdiń jıyntyǵy kezinde ulttyq fılm bolyp tabylady:
1) eger fılm joǵary kórkemdik deńgeıde jasalsa, halyqtyń rýhanı qajettilikterin qanaǵattandyrýǵa qabiletti bolsa, memlekettik múddege, sondaı-aq Qazaqstan Respýblıkasyn kıno óneri arqyly tanytatyndaı qyzmet etse;
2) fılmderdi shyǵarý, taratý jáne kórsetý kezinde smeta boıynsha jalpy jumys kóleminiń keminde jetpis paıyzyn Qazaqstan Respýblıkasynyń aýmaǵynda tirkelgen kınematografııalyq uıymdar júzege asyrsa;
3) Qazaqstan Respýblıkasynyń azamaty jáne (nemese) Qazaqstan Respýblıkasynyń aýmaǵynda tirkelgen zańdy tulǵa fılmniń prodıýserleri bolsa;
4) fılm avtorlarynyń quramyna (senarıı avtory, qoıýshy-rejısser, qoıýshy-operator, qoıýshy-sýretshi, mýzykalyq týyndynyń avtory) Qazaqstan Respýblıkasynyń azamattary bolyp tabylmaıtyn tulǵalar elý paıyzynan aspaıtyndaı kirse, ulttyq dep tanylady.
Qazaqstan Respýblıkasy ratıfıkaııalaǵan halyqaralyq sharttyń talaptaryna sáıkes sheteldik kınematografııalyq uıymdarmen birlesip túsirilgen fılm ulttyq dep tanylýy múmkin.
Baıqaý irikteýiniń talaptary, qajetti qujattar tizimi men usynym formasyn júkteý týraly aqparatty www.filmqazaqstan.com saıtynyń «Qazaqstanda túsir!» bóliminen bile alasyzdar.
Usynymdar irikteýi aıaqtalǵan soń, bes jumys kúni ishinde Ulttyq kınony qoldaý memlekettik ortalyǵy janyndaǵy konsýltatıvtik-keńesshi organ – Saraptamalyq keńestiń otyrysy ótedi.
Baıqaý qorytyndysy ortalyqtyń saıtynda jarııalanatyn bolady.
Suraqtar boıynsha: +77026112065 Aınur Isaeva
