Almatyda sýretshi Álı Baqtygereev sheberhanasynyń "Alaý" kórmesi ótýde

Á.Qasteev atyndaǵy QR Memlekettik óner mýzeıinde sýretshi Álı Baqtygereevtiń sheberhanasynyń «ALAÝ» kórmesi áli de ótýde.
Almatyda sýretshi Álı Baqtygereev sheberhanasynyń "Alaý" kórmesi ótýde
M.Narbaeva "Birinshi qazaq sýretshisi - Ábilhan Qasteev"

Álı Baqtygereev – ózindik etnoromantıkalyq stılde jazatyn san boıaýly kórnekti sýretshi. Keskindemeniń plastıkalyq-obrazdyq júıesin jáne alýan túrli kompozıııalyq sheshimderdi jete meńgergen. Sýretshiniń shyǵarmashylyǵynda ulttyq taqyryp mańyzdy oryn alady. Qylqalam sheberi Uly dala halyqtarynyń dástúrlerine, mádenıetine, turmysyna den qoıady. Ol sýretshi retinde de, pedagog retinde de Qazaqstan zamanaýı keskindeme mektebiniń damýyna zor úles qosty. Ustazdyqpen ótken 25 jyl ishinde Á.Baqtygereev O.Tańsyqbaev atyndaǵy Almaty sándik-qoldanbaly óner kolledjiniń qabyrǵasynda tutas bir eren júırik sýretshiler qataryn daıarlap shyǵardy. Onyń shákirtteri qazirgi tańda «Baqtygereevtiń mektebinen» shyqqanyn dáleldep, belsene jumys isteýde. Q.Teljanovtyń, J.Qaırambaevtyń, K.Dúısenbaevtyń jáne t.b. sheberhanalary sııaqty Á.Baqtygereevtiń sheberhanasy da asa tanymal.

Sýretshi 1962 jyly 15-sáýirde Qyzylorda oblysynyń Aral aýdanynda Qulandy degen shaǵyn eldi mekende dúnıege keldi. 1984-1989 jyldary N.V.Gogol atyndaǵy Almaty kórkemsýret ýchılıesinde oqydy. Odan keıin T.Q. Júrgenov atyndaǵy Almaty memlekettik teatr-kórkemsýret ınstıtýtynda bilimin jalǵastyryp, joǵary bilim aldy. 1994 jyldan beri O.Tańsyqbaev atyndaǵy Almaty sándik-qoldanbaly óner kolledjinde arnaýly pánnen sabaq beredi. QR Sýretshiler Odaǵynyń múshesi. Kóptegen respýblıkalyq, qalalyq jáne halyqaralyq kórmelerge qatysty.

Á. Baqtygereev. Kesh

Ekspozıııaǵa sýretshiniń 80 shaqty jumysy qoıyldy, onyń 40-tan astamy sýretshi óz shyǵarmashylyǵynyń ár túrli kezeńinde jazǵan keskindemelik kartınalary. Kórermender Á.Baqtygereevtiń «Kósh» (2010), «Batyr» (2010), «Kúnniń batýy» (2010), «Áýez» (2015), «Ómir» (2014), «Kesh» (2019) jáne t.b. jumystaryn tamashalaıtyn bolady. Kórmeniń ekinshi bólimine onyń halyqaralyq jáne respýblıkalyq konkýrstardyń jeńimpazdary bolǵan shákirtteri men jas sýretshilerdiń týyndylary qoıylǵan sýretshiniń sheberhanasy usynylady.

«Alaý» toptyq kórme ekendigine qaramastan, ekspozıııanyń basty bóligin Á.Baqytgereevtiń týyndylary quraıtyndyqtan, kórmeni beıneleý óneri sheberiniń ózindik birinshi jeke kórmesi dep aıtýǵa bolady.

Kórme 2019 j. 11qazan – 3 qarasha aralyǵynda ótedi.

M. Saǵyndyq. Hanshaıym Zarına

Erkejan Omarova
kórme kýratory