Búgin Almatyda jańa formattaǵy Medıa jáne kıno mektebiniń (Media & Film School) ashylýyna oraı baspasóz otyrysy ótti. Bilim ordasynyń quryltaıshylary – Sh.Aımanov atyndaǵy «Qazaqfılm» AQ jáne Almaty Menedjment Ýnıversıteti (AlmaU).
Jańa mekteptiń maqsaty – eldegi kreatıv ındýstrııanyń damýyna belsendi úles qosatyn, buqaralyq aqparat quraldary men kıno naryǵynyń zamanaýı talaptaryna saı keletin mamandardy daıarlaý.
Alǵashqy stýdentterdi oqýǵa qabyldaý 2021-2022 oqý jylynda bastalady. Jańa mekteptiń basty mindeti – qajetti ınfraqurylymdy qalyptastyrý. Media & Film School mektebiniń tehnıkalyq jáne ıntellektýal bazasyn jasaýǵa Sh.Aımanov atyndaǵy «Qazaqfılm» AQ kınostýdııasy atsalysatyn bolady.
Media & Film School mektebiniń dekany, PhD Moldııar Ergebekov: «Media & Film School baǵdarlamasyna engizilgen pánder álemdegi jetekshi oqý baǵdarlamalaryna negizdeledi, al oqytýshylary – kásibı biliktiligi ǵylymı-tájirıbelik jumystarmen rastalǵan mamandar. Bıyldan bastap biz birneshe mamandyqtardy eksperımantal baǵyt túrinde ashamyz. Oqý baǵdarlamanyń úsheýi de digital-mediaǵa baǵyttalǵan. Kreatıv óner oqý baǵdarlamasy, Jańa medıa oqý baǵdarlamasy jáne Dıdjıtal mádenıet oqý baǵdarlamasy dep atalatyn 3 oqý baǵdarlamasy boıynsha Dıdjıtal kıno rejısseri jáne montaj rejısseri, dıdjıtal geım-dızaıny, data jýrnalıstıka, mobıl jýrnalıstıka, sonymen birge, aýdıo, vıdeo jáne mátin kontentterin óndiretin dıdjıtal kıno syny mamandyǵynda kınosynshylar daıarlanatyn bolady».
Sonymen qatar spıkerler Medıa jáne kıno mektebin damytý josparlary týraly aıtty. 2021-2022 oqý jylynda mektep janynan medıa jáne kınematografııa salasyndaǵy ınterdısıplınar zertteýlermen aınalysatyn Medıa jáne kıno ınstıtýty ashylady. Kelesi jyly jýrnalıstıka, teledıdar jáne radıojýrnalıstıka, anımaııa, grafıkalyq dızaın, dramatýrgııa jáne taǵy da basqa mamandyqtar ashylady.
Baspasóz otyrysy sońynda Sh.Aımanov atyndaǵy "Qazaqfılm" kınostýdııasynyń vıe-prezıdenti Aıdar Batalov jáne AlmaU rektory Erbol Súleımenov yntymaqtastyq týraly Memorandýmǵa qol qoıdy.
