Qazaqstannyń iri kórkemsýret mýzeıi – Á. Qasteev atyndaǵy Memlekettik óner mýzeıi qazaqstandyq jáne sheteldik kollekıonerlerdiń kórmelerin jıi uıymdastyrady. Mýzeı Nurlan Smaǵulovtyń, Azat Ákimbektiń, Aleksandr Nevgodanyń, Jibek Qaramanovanyń, aǵaıyndy Kara-Gıýralardyń nemese Nurıslamovtar otbasynyń tamasha jeke kollekııalarynyń kórmelerin kórsetip qana qoıýmen shektelmeı, Qazaqstandaǵy kollekııa jınaý men meenattyq mádenıetti barynsha qoldaýǵa jáne kollekıonerler men meenattardyń sýretshiler men ónerdi qoldaý isindegi mańyzdy rolin aıtyp, kórsetip otyrýǵa tyrysady.
Táýelsiz Qazaqstannyń óneri Táýelsizdik alǵan sátten bastap Rıchard Spýner, Qazaqstandaǵy túrli elderdiń elshileri, sheteldik bıznesmender men dıplomattar sııaqty sheteldik kollekıonerlerdiń nazaryn aýdaryp keledi.
Doktor Kretchmar Qazaqstanǵa osydan on jyl buryn PricewaterhouseCoopers (PwC) kompanııasynyń shaqyrýymen bıznes-qoǵamdastyqty damytý jóninde jumys isteýge jáne ýnıversıtette bıznes páninen sabaq berýge keldi.
Qazaqstannyń kóz tartar sulýlyǵy men mádenıeti professorǵa zor áser etti. Eldiń ejelgi mádenıetimen tereńirek tanysyp, bıznestegi seriktesi Alper Akdenız ekeýi birigip, biregeı dala mádenıeti halyqaralyq deńgeıde keńinen tanystyrylýy kerek degen toqtamǵa keldi. Olar Uly Dala tarıhyn, Qazaq handyǵy men qazaqtyń kórnekti babalarynyń tarıhyn álemge kórikti kórkem tilmen pash etetin 12 bólimnen turatyn toptama jasaýdy uıǵardy. Mundaı mindetti tuńǵysh ulttyq tolyq metrajdy «Er Tóstik» mýltıplıkaııalyq jobasyn jasaýshylardyń biri, Qazaqstandaǵy sol kezde tanymal bolyp úlgergen sýretshi Tımýr Daıyrbaevqa senip tapsyrdy. Tımýr – budan basqa da EKSPO jaıly «Ǵajaıyptar kórmesi» mýltıplıkaııalyq jobasynyń qoıýshy-sýretshisi.
Geıvın Kretchmar men Alper Akdenızdiń qazaq kollekııasy «Qazaq rýhy» atty 12 kólemdi keskindeme men Kaspıı jaıly «Kolorıster» toptamasynyń úsh jumysyn qamtyǵan. Sýretten sýretke ótken saıyn kóz aldymyzǵa ejelgi qazaq bastaýyn, qazaq handyǵynyń mádenı jáne tarıhı oqıǵalaryn, ulttyq oıyndaryn, ádet-ǵuryptary men dástúrlerin alyp keledi. 12 sany qazaqtyń dástúrli «Múshel jas» kúntizbesine negizdelgen. Tarıhı oqıǵalar nemese ańyzdar kórkem jáne jıirek allegorııa túrinde beınelengen.
EKSPO-2017 kezinde toptama jasap, onyń kórmesin ótkizý – ońtústik astana qonaqtaryn Qazaqstannyń ejelgi tarıhymen jáne ózindik ónerimen tanystyrýdyń ońtaıly sáti.
Klara Isabaeva
Á. Qasteev atyndaǵy QR MÓM-niń baspasóz
qyzmetiniń jetekshisi.
