Жаңалықтар

21-қазан, сағат 18:00 де Республика сарайында ҚР еңбек сіңірген қайраткері, дүлдүл әнші Рамазан Стамғазиев пен белгілі эстрада жұлдызы Ұлту Қабаеваның "Күзгі әуен" атты ән-кеші өтеді. Кеш жұбай әншілердің үлкен сахнада жүргеніне 30 жыл толуына арналып отыр.

2017 ж. 6 қазанда сағат 16.00-де Ә.Қастеев атындағы Мемлекеттік өнер музейінде Қырғыз Республикасынің еңбек сіңірген өнер қайраткері Талғат Миррахимовтың «Азия сарындары» көрмесінің ашылуы болады. Орта Азия шығармашыл зиялы қауымы арасында белгілі, талантты суретші Миррахимов – Қырғызстан бейнелеу өнерінің дамуына зор үлес қосып келе жатқан Қырғыз Республикасының ең қызықты да беделді суретшілерінің бірі.

Жаңабек Жетіруов "Шыңырау" фильмінің түсірілімін аяқтады.

Т.Жүргенов атындағы Қазақ ұлттық өнер академиясында 2017 жылдың 20 қазанында «Қазақстандағы заманауи театр өнерінің даму жолдары» тақырыбындағы Халықаралық ғылыми-практикалық конференциясы өтеді.

2017 ж. 5 қазанда Ә.Қастеев атындағы ҚР Мемлекеттік өнер музейі «Гитарадан төгілген сырлы сазы» музыкалық вернисажына шақырады.

Қазақстан Республикасы Мемлекеттік орталық музейі 2017 жылдың 5 қазаны күні сағат 16.00-де суретші, педагог, профессор Тоққожа Қожағұловтың «Үнсіз музыка» атты жеке көрмесін ашады. Көрме Абай атындағы Қазақ Ұлттық педагогика университетінің 90 жылдығына арналады.

4 қазан сағат 18.00-де Ә.Қастеев атындағы ҚР Мемлекеттік өнер музейінің Орталық көрме залында Алексей Уткин мен апалы-сіңлілі ГаБо-ның (Ғалия және Балқия Құсайынова) "Шабыт сызықтары" атты көрмесінің ашылуы болады.

5 қазан сағат 17.00-де Евгений Ионовтың «Ана жүрегі» спектаклінің премьерасы көрермен назарына ұсынылады. Қоюшы режиссері – Антон Зайцев. Қоюшы суретшісі – Сергей Мельцев. Сахналық биін қойған – Гүлжан Дәулетқұлова.

Жазушы, драматург, Т.Жүргенов атындағы Қазақ ұлттық өнер академиясының профессоры Дулат Исабековтің 75 жасқа толған мерейтойы Лондон төрінде.