Жаңалықтар

2017 жылдың 9-13 қыркүйек аралығында Астанада Қазақстан Республикасы Мәдениет және спорт министрлігі және Қазақстан театрлар ассоцияциясы халықаралық ЭКСПО-2017 көрмесінің мәдени бағдарламасы аясында халқымыздың біртуар тұлғасы, Қазақстанның еңбек сіңірген өнер қайраткері, Мемлекеттік сыйлықтың иегері, көрнекті театр сыншысы Әшірбек Сығайдың 70 жылдығына арналған Қазақстан драма театрларының XXV республикалық фестивалін өткізеді.

5-қыркүйек күні "Тұран" университетінде ІІ "Байқоңыр" Республикалық қысқаметрлі кинофестивалінің дирекциясы мен БАҚ өкілдерінің кездесуі өтті.

2017 жылдың 2-8 қыркүйек аралығында Астанада Қазақстан Республикасы Мәдениет және спорт министрлігінің қолдауымен халықаралық ЭКСПО-2017 көрмесінің мәдени бағдарламасы аясында Қазақстан Театрлары ассоциациясы Жас режиссерлердің Қайрат Сүгірбеков атындағы I Республикалық форум-фестивалін өткізеді.

2017 жылдың 7 қыркүйек күні Ә.Қастеев атындағы Мемлекеттік өнер музейінде "Классиканың сиқыры" атты Музыкалық вернисажы өтеді.

2017 жылы 5 қыркүйек күні Ә.Қастеев атындағы ҚР мемлекттік өнер музейінде сән әлемінде кеңінен танылып жүрген қазақстандық дизайнер, суретші Балнұр Асанованың "2720К Алтыншы сезім" атты жеке көрмесі ашылады.

II Республикалық "Байқоңыр" қысқаметрлі кинофестивалінің дирекциясы қатысушылар тізімін жариялады.

Қ.Қуанышбаев атындағы Мемлекеттік академиялық қазақ музыкалық драма театры тамыз айының 23-24 күндері сағат:19.00 «ЗЕРЕ» атты драманың премьерасын ұсынады. Қойылым режиссері – ҚР еңбек сіңірген қайраткері – Нұрқанат Жақыпбай. Қоюшы суретшісі – Берік Бурбаев.

28 шілде күні сағат 18:00-де Астанадағы «Қазақстан» Орталық концерт залында XIII Халықаралық «Еуразия»  кинофестивалінің жабылу салтанаты өтеді.

XIII Халықаралық «Еуразия» кинофестивалі қазақстандық көрермендерге өзге елдердің кинематографиясымен жақын танысуға үлкен мүмкіндік берді.