Soltústik Qazaqstan oblysyndaǵy Sábıt Muqanov atyndaǵy qazaq sazdy-drama teatry óziniń 20 jyldyq tarıhynda alǵash ret Almaty qalasynyń teatrsúıer kórermenimen dıdarlasyp, shyǵarmashylyq jetistikterimen bólisip, qala halqyna shoqtyǵy bıik týyndylaryn 26-28 qarasha kúnderi aralyǵynda pash etpek nıette. Teatrdyń Almaty kórermenine arnalǵan gastroldik saparynyń ashylýyna oraı, 26-qarasha kúni, saǵat 17.30-da baspasóz konferenııasy ótedi.
Baıandamashylar qatarynda:
S.Muqanov atyndaǵy qazaq sazdy-drama teatrynyń dırektory «Mádenıet qaıratkeri» tós belgisiniń ıegeri jáne «Qurmet» ordeniniń ıegeri – Jalǵasbaev Birjan Nurmahanuly;
S.Muqanov atyndaǵy qazaq sazdy-drama teatrynyń kórkemdik jetekshisi «QR tuńǵysh Prezıenti - Elbasy Qory» syılyǵy jáne «Daryn» memlekettik jastar syılyǵynyń ıegeri – Moldaǵalı Farhad Erlanuly;
S.Muqanov atyndaǵy qazaq sazdy-drama teatrynyń negizin qalaǵan akterlerdiń biri, trýppa jetekshisi – Toıbazarov Dáýren Muratuly;
Qazaqstan Respýblıkasynyń eńbek sińirgen qaıratkeri, T. Júrgenov atyndaǵy Qazaq Ulttyq óner akademııasynyń «Teatr teorııasy jáne tarıhy» kafedrasynyń meńgerýshisi, professor jáne teatr synshysy, Respýblıkalyq jáne halyqaralyq teatr festıvalderindegi turaqty qazylar alqasynyń múshesi – Qabdıeva Sánııa Dúısenhanqyzy;
Gastroldik repertýar:
- 26-qarasha B.Jaqyp «Jan daýysy» soundrama (rej.F.Moldaǵalı)
- 27-qarasha M.Jumabaev «Sholpannyń kúnási» drama (rej.B.Shambetov)
- 28-qarasha M.Áýezov «Qaragóz» soundrama (rej.F.Moldaǵalı)
Bastalýy: 18.30-da.
- 26-28 qarasha aralyǵynda, saǵat 11.00-de balalarǵa arnalǵan M.Álibektiń «Sıqyrly dúrbi» (rej.F.Moldaǵalı) ertegisi nazarlaryńyzǵa usynylady.
Sonymen qatar, teatr janynan rejısser F.Moldaǵalıdyń jetekshiligimen qurylǵan «StarTDrama» laboratorııasy «86» soundrama spektakli men O.Bókeıdiń «Jylymyq» kórkem radıohabar janryndaǵy spektaklin qosymsha usynbaq.
Ótetin orny: Ǵ.Músirepov atyndaǵy Qazaq memlekettik akademııalyq balalar men jasóspirimder teatry.
Atalmysh spektaklderdiń respýblıkalyq, halyqaralyq festıvalderden alǵan júldeler tizimi:
M.Jumabaevtyń «Sholpannyń kúnási» spektaklimen Aqtóbe qalasynyń jyldyǵyna arnalǵan IV Halyqaralyq «BALAUSA» eksperımentaldi spektaklder festıvalinde Bas júldeni jeńip aldy. Sondaı-aq, Óskemen qalasynda teatr ujymy Rústem Esdáýletov atyndaǵy II respýblıkalyq teatr festıvalinde «Úzdik spektakl» bas júldesi jáne syıaqysymen marapattalǵan.
Astananyń 20 jyldyǵy men kórnekti qaıratker Temirbek Júrgenovtiń 120 jyldyǵyna arnalǵan VII Ortalyq Azııa elderiniń Halyqaralyq teatr festıvalinde «Qaragóz» soundrama janryndaǵy qoıylymymen óner kórsetip, «Klassıkanyń úzdik zamanaýı ınterpretaııasy» nomınaııasymen jáne Almaty oblysy ákiminiń aranaı syıaqysymen marapattaldy. Teatr aktrısasy Aıda Sýpataeva Marjan roli úshin «Eń úzdik ekinshi plandaǵy áıel beınesi» nomınaııasy jáne syıaqysymen marapattaldy. Madına Óserbaeva Qaragóz roli úshin «Úmit» nomınaııasy jáne syıaqymen marapattaldy. Arnaıy shaqyrtýmen, Qyrǵyzstan Respýblıkasy, Osh qalasynda «ART-ORDO» VII Halyqaralyq teatrlar arasyndaǵy festıvaline M.Áýezovtyń «Qaragóz» spektaklimen qatysyp, II oryn ıelense, Qaragóz rolin somdaǵan teatrdyń jas daryndy aktrısasy M.Óserbaeva «Eń úzdik áıel roli» nomınaııasyn qanjyǵasyna baılady.
Sonymen qatar, Ámına Ómirzaqova 100 jyldyǵyna arnalǵan Qazaqstan drama teatrlarynyń HHVII festıvalinde B.Jaqyptyń «Jan daýysy» spektaklimen qoıýshy-rejısser F.Moldaǵalı «Úzdik rejıssýra» nomınaııasymen marapattaldy.
Aldymyzdaǵy 2020 jyly Qazaqstan men Japonııanyń arasyndaǵy dostyq qarym-qatynasty nyǵaıtyp, Semeı óńirimen taǵdyrlas Japonııanyń tarıhynda oryn alǵan jaǵdaıdy eskere otyryp, S.Muqanov atyndaǵy qazaq sazdy-drama teatry B.Jaqyptyń «Jan daýysy» qoıylymymen Hırosıma, Nagasakı qalalaryna gastroldik saparlary josparlanýda. Osy «Jan daýysy» spektaklimen Máskeý qalasynan kelgen arnaıy synshylar men teatr menedjerlerdiń sheshimimen Tashkent qalasynda ótetin 2020 jyly mamyr aıynda «IV Dostastyq elderi, Baltııa jáne Grýzııa jastar teatry forýmy» atty festıvalge Qazaqstannyń atynan S.Muqanov atyndaǵy qazaq sazdy-drama teatry joldama alyp otyr.
