"Eń úzdik áıel beınesi" - qazaq aktrısasynda

Reseıde ótken V.I.Mıloserdov atyndaǵy akterlerdiń jeke jobalaryna arnalǵan festıval-konkýrsta rejısser A.Salban sahnaǵalan Sh.Aıtmatovtyń "Ana men ala" monospektakli "Úzdik áıel beınesi" jáne "Úzdik spektakl" nomınaııasy boıynsha júldeli boldy.
"Eń úzdik áıel beınesi" - qazaq aktrısasynda

V.I.Mıloserdov atyndaǵy jeke akterlik jumystardyń VIII festıval-konkýrsy bıyl halyqaralyq deńgeıde ótti. Bıylǵy festıvalde Qazaqstan birinshi ret qatysty. Sonymen qatar, Chelıabınsk, Magnıtogorsk, Zlatoýst jáne Shadrınsk qalalarynyń ártisteri óz jumystaryn kórsetti. Qazaqstandyq shyǵarmashylyq ujym halyqaralyq festıvalden eki birdeı marapatty qanjyǵalap, úzdikterdiń qatarynan tabyldy.

Festıval RF Teatr Qaıratkerleri odaǵynyń Chelıabınsk oblystyq bólimshesi jánk Chelıabınsk oblysynyń Mádenıet mınıstrligi qoldaýymen uıymdastyrylǵan. Oǵan tórelik etken qazylar quramynda Lıýdmıla Fedorova, Andreı Vaganovtarmen qatar Qazaqstannan professor, ónertaný ǵylymdarynyń kandıdaty, teatr synshysy Sánııa Qabdıeva da bar.

Talqylaý kezinde synshy: "Aıdyn Salban elimizdegi eń úzdik rejısserlerdiń biri. Ol sahnalyq týyndyny dúnıege ákelerde metafora, sımvolıkamen jaqsy jumys jasaıtynymen erekshelenedi. Máselen, rejısser osy spektakldegi tigin mashınasy arqyly soǵys zamanynyń barlyq atmosferasyn bere alǵan. Al, aktrısanyń energetıkasy zaldy jaýlaı aldy. Onyń tıptik beıne jasaýdaǵy akterlik sheberligine joǵary baǵa beremin. Álıman men Tolǵanaıdyń akterlik seriktestikteri óte jaqsy jasalǵan. Akterlik jumys ta, spektakl de meniń kóńilimnen shyqty", - dep kásibı pikirin bildirdi.


Qazylar alqasynyń sheshimi boıynsha tómendegideı óner ıeleri festıvaldiń úzdikteri dep anyqtaldy:

  • "Maıakovskıı poezııasynyń úzdik sahnalyq nusqasy úshin" -  "Maıakovskıı. Kak jıvoı s jıvymı govorıa" spektakli;
  • "Akterlik debıýt úshin" - Tatıana Tıhomırova "Derjıs za krasnoe» monospektakli; "Shyǵarmashylyq izdenis úshin" – Vıktorııa Krıvdına "L" monospektakli;
  • "Akterlik bastama úshin" – Vıktorııa Frolova "Chelovecheskıı golos" monospektakli;
  • "Úzdik sahnalyq mınıatıýrasy úshin" syılyǵy – Elızaveta Borok.  "Nejıvoı" monospektakli;
  • "Úzdik dýet" syılyǵy - Vıktor Nagdasev pen Nadejda Nagdaseva "V sadah lıeıa" spektakli;
  • "Eń úzdik er adam beınesi" – Oleg Baryshev "Za chertoı" monospektakli;
  • "Úzdik shyǵarmashylyq ıdeıa" syılyǵy - Aleksandr Maıer "Dýel s ımperatorom" monospektakli;
  • "Eń úzdik áıel beınesi"  – Baqyt Jumaǵulova "Ana men ala" monospektakli;
  • "Úzdik akterlik ansambl" – Gennadıı Prokopev, Denıs Rylov, Iýrıı Rıabýhın, Anna Samýtına "Metod" spektakli;
  • "Eń úzdik spektakl" – "Ana men ala" spektakli (rej. Aıdyn Salban)
  • Festıvaldiń Gran-prıi - Elena Kononenko "Poslednıı rýmıane" monospektakli.

QR mádenıet salasynyń úzdigi, aktrısa Baqyt Jumaǵulova 1988 jyldan beri qazaq teatrynyń sahnasynda ártúrli beınelerdi somdap, kórermen kóńilinen oryn alyp júr. Kúni keshe atalmysh festıvalde top jaryp, jańa shyǵarmashylyq belesin baǵyndyrdy. Jas rejısser Aıdyn Salban da óziniń rejıssýralyq tyń izdenisterin respýblıka kólemine tanytyp júrgen talantty rejısserlerdiń biri.