Shara sáýirdiń 25-i kúni tańǵy 9:00-de Qazaqstannyń halyq artısi, memlekettik syılyǵynyń laýreaty, Ánýarbek Moldabekovtyń zıratyna quran oqyp, gúl shoqtaryn qoıýmen bastaý alady. Saǵat 17:00-de jýrnalısterge arnalǵan press-konferenııa ótip, Ánýarbek Moldabekovtyń 80 jyldyǵyna arnalǵan kórmeniń ashylý saltanatyna ulasady.
Sol kúni saǵat 18:30-da «Teatr kóktemi-2018» festıvaliniń saltanatty ashylýy ótse, saǵat 19:00-de «Qyz Jibek» mýzykalyq drama spektakli qoıylymy qoıylady.
Festıvaldiń ekinshi kúni saǵat 12:00-den bastap qatysýshylar kórermender men ádilqazylar quramyna ózindik jumystaryn usynady. Atap aıtsaq; Avtory A.Pýshkınniń «Tas meıman» tragedııasyn, avtory N.R.Erdmandtyń «Óle qalsam qaıtedi?!» komedııasyn, E.Olbıdiń «Zoopark» qoıylymyn, N.V.Gogoldiń «Jyndynyń jazbalary» qoıylymyndaryn usynady.
Sol 26 sáýirde saǵat 17:00-de «Syrlasý buryshynda» KSRO Halyq artısi, KSRO, QazKSR Memlekettik syılyqtarynyń laýreaty, Táýelsiz «Tarlan» syılyǵynyń, «Otan», «Qurmet», «Qazaqstannyń Eńbek Eri» ordenderiniń ıegeri Asanáli Áshimovpen jáne Qazaqstannyń eńbek sińirgen artısi, «Qurmet» ordeniniń ıegeri Ótekeshova Merýert Qarataıqyzymen kezdesý ótse, saǵat 18:30-da «Adasqaq» drama-dıalog spektakli qoıylady.
Al festıvaldiń sońǵy úshinshi kúni saǵat 15:00-de «Júregimniń ıesi» psıhofızıkalyq drama spektakli qoıylsa, saǵat 18:30-da festıvaldiń saltanatty jabylýy ótip, jeńimpazdardy marapattaý rásimi ótedi.
Sondaı-aq dástúrli festıvalge qatysýshylardy «Úzdik qoıylym», «Ekinshi plandaǵy er adam beınesi», «Ekinshi plandaǵy áıel adam beınesi», «Akterlyq izdenisteri úshin», «Úzdik epızodtaǵy er adam beınesi», «Úzdik epızodtaǵy áıel adam beınesi», «Sahnalyq ǵumyr», «Úılesimdi jup», «Úzdik senografııa», «Kórermen kózaıymy», «Úmit», «Ózindik jumystaǵy izdenisteri» nomınaııalary boıynsha marapattalatyn bolady.
derekkóz: www.auezov-theatre.kz
