«Көктем нұры» көрмесі өтіп жатыр

2018 жылы 18 мамырынан бастап Ә. Қастеев атындағы ҚР Мемлекеттік өнер музейінде Халықаралық музей күнін мерекелеуге орайластырылған музей қызметкерлерінің «Көктем нұры» көрмесі өтіп жатыр. 20 жылдан бері үзбей өткізіліп, бүгінгі таңда музейде дәстүр болып қалыптасып үлгерген бұл көрме үшін биыл – мерекелі де мерейтойлы жыл.
«Көктем нұры» көрмесі өтіп жатыр

Карина Крылова

көрме жетекшісі


«Көктем нұрына» музейдің жиырма бір қызметкері қатысады. Үлкен шығармашылық музейлік отбасының бір-бір бөлшегі болатын әрбір қатысушының  атқарып жатқан қызметі ауқымды да әр алуан. Реставраторлар, қор сақтаушылар, ғылыми қызметкерлер, экспозиция бөлімінің қызметкерлері, экскурсия жүргізушілер – бұлардың бәрі де өз ісінің шеберлері. Олар көрермендер назарына өздерінің көркемсуреттегі дарыны мен жасампаздық қабілетін ашатын 80-нен астам жұмыстарын ұсынуда.

Көрмеге түрдің сан алуандығы тән. Экспозициядан кескіндеме, графика, мүсін, сәндік-қолданбалы өнер туындылары орын алған. Сонымен қоса олардың орындалу техникасы, жұмыстың мазмұны мен сипаты да әр түрлі. Жаратылысқа деген сүйіспеншілік пен заттық және стильдік ізденістер көрініс тапқан натюрморт жанрына молы орын берілген. Кескіндеменің сюжеттік композициялары автордың романтикалық көңіл-күйінен туындаған. Графикалық жұмыстар мазмұнына қарай түрленеді – реалистік ізденістер стильдендірілген  бейнелермен қатар тұр. Қондырлығы мүсін суретшілердің материалмен және көлеммен жұмыс істей білу шеберлегін көрсетеді. Сәндік-қолданбалы өнер бұйымдары  техникалық тәсілдердің соншалықты көптігімен таңғалдырады, олар – аппликация, құрақ тігу, тоқыма, басу, кесте және т.б. Көктем лебі мен «музалар үйінің» атмосферасы және оның баға жатпес қазынасы жомарттықпен тарту еткен ерекше шабыт музей қызметкерлерінің жұмыстарын бір жерге шоғырландырған.

 

Үсентаева Айсұлу 1979. "Көктем", гобелен 2018

 

Оспанов Ғалым 1958. Натюрморттар, кенеп, майлы бояу, 2011-2015

 

Елеуова Аида 1963. Өрнек. "Қиял әлемі" топтамасынан. қағаз, аралас техника 2009

 

Құлжабаев Ербол 1989. Түймедақ бейнеленген натюрморт. Кенеп, майлы бояу, 2011

 

Сартбеков Жандос 1988. Мерген, қола тас, 2015

 

Крылова Карина 1993. Автопортрет, қағаз, көмір 2017

 

Смағұлова Күләтай 1947. "Кешкі бату. Зайсан. Шығыс Қазақстан облысы" акварельдер топтамасы. Қағаз, акварель 2015

 

Оспанов Алмат 1983. "Біртұтас", қола 2008

 

Көрмені музей қонақтары бір ай бойы тамашалай алады.

Сізге қызық болуы мүмкін: