Karına Krylova
kórme jetekshisi
«Kóktem nuryna» mýzeıdiń jıyrma bir qyzmetkeri qatysady. Úlken shyǵarmashylyq mýzeılik otbasynyń bir-bir bólshegi bolatyn árbir qatysýshynyń atqaryp jatqan qyzmeti aýqymdy da ár alýan. Restavratorlar, qor saqtaýshylar, ǵylymı qyzmetkerler, ekspozıııa bóliminiń qyzmetkerleri, ekskýrsııa júrgizýshiler – bulardyń bári de óz isiniń sheberleri. Olar kórermender nazaryna ózderiniń kórkemsýrettegi daryny men jasampazdyq qabiletin ashatyn 80-nen astam jumystaryn usynýda.
Kórmege túrdiń san alýandyǵy tán. Ekspozıııadan keskindeme, grafıka, músin, sándik-qoldanbaly óner týyndylary oryn alǵan. Sonymen qosa olardyń oryndalý tehnıkasy, jumystyń mazmuny men sıpaty da ár túrli. Jaratylysqa degen súıispenshilik pen zattyq jáne stıldik izdenister kórinis tapqan natıýrmort janryna moly oryn berilgen. Keskindemeniń sıýjettik kompozıııalary avtordyń romantıkalyq kóńil-kúıinen týyndaǵan. Grafıkalyq jumystar mazmunyna qaraı túrlenedi – realıstik izdenister stıldendirilgen beınelermen qatar tur. Qondyrlyǵy músin sýretshilerdiń materıalmen jáne kólemmen jumys isteı bilý sheberlegin kórsetedi. Sándik-qoldanbaly óner buıymdary tehnıkalyq tásilderdiń sonshalyqty kóptigimen tańǵaldyrady, olar – applıkaııa, quraq tigý, toqyma, basý, keste jáne t.b. Kóktem lebi men «mýzalar úıiniń» atmosferasy jáne onyń baǵa jatpes qazynasy jomarttyqpen tartý etken erekshe shabyt mýzeı qyzmetkerleriniń jumystaryn bir jerge shoǵyrlandyrǵan.
Kórmeni mýzeı qonaqtary bir aı boıy tamashalaı alady.
