2021 jyldyń 10 naýryzynan bastap, Á. Qasteev atyndaǵy QR Memlekettik óner mýzeıiniń jınaqtamasynan Eýropa baspa grafıkasymen (gravıýra jáne ofort) tanystyratyn «16-17 ǵasyrlardaǵy Eýropa grafıkasy» kórmesi ashylady.
Jahandyq álemdi qurý jolyndaǵy betburys kezeńi dep atalǵan 16-17 ǵasyr álemdik tarıhtyń mańyzdy kezeńderdiń birinen sanalady. Dál sol jyldary grafıkanyń ofort dep atalatyn túri baspa grafıkasynyń tanymdyq, ǵylymı jáne dinı mazmundaǵy sýretterin taratatyn osynaý yńǵaıly ári arzan quraldy qoldana bastaıdy.
Kórmege franýz grafıka mektebin tanystyratyn XVII ǵasyrdaǵy kórnekti sheber, óziniń zamandas sýretshilerin, olardyń arasynda Rembrandtqa da eleýli yqpal jasaǵan Jak Kallonyń (1592-1635) týyndylary qoıyldy. Kallonyń «Soǵystyń kishi apattary» (1632) jáne «Soǵytyń úlken apattary» (1634) toptamalarynan franýz áskeriniń onyń týǵan Lotarıngııasyn basyp alǵan qaıǵyly kórinisin sýretteıdi. Onyń kompozıııalarynan zorlyq-zombylyq pen soǵysqa degen qarsy narazylyqtyń únin estımiz.
Ekspozıııanyń negizgi bóligin týyndylary álemdik beıneleý ónerinde úzdik túpnusqa bolyp sanalatyn kórnekti golland sýretshisi Rembrandt Van Reınniń (1606-1669) túpnusqa týyndylarynan jasalǵan oforttary alady.
Mýzeıge áıgili orys kollekıoneri ári sýretshisi, Rembrandtyń shyǵarmashylyǵyn asa súıýshi N. Mosolovtyń (1847-1914) kollekııasynan túsken bul grafıkalyq týyndylar uly sheberdiń jaýharlarynyń erekshelikterin jetkizýde oryndaý sheberligimen jáne asqan dáldigimen dara tur. Eksponattardyń arasynan Rembrandtyń «Kıeli otbasy» (1645), «Túngi baqylaý» (1642), «Aldasqan uldyń oralýy», «Danaıa» syndy belgili kartınalarynyń oforttaryn kórýge bolady. Osy kórmege qoıylǵan týyndylardyń ishinen onyń erterektegi «leıden» kezeńinde oryndalǵan Rembrandtyń «Qaıyrshy» (1630) kompozıııasy erekshe qyzyqtyrady. «Adamnyń syrtqy kelbetin túzetýge qanaǵattanbaıtyn, biraq onyń ishki jaǵdaıyn anyqtaýǵa tyrysatyn» (E.Levıtın) Rembrandttyń kólemi shaǵyn oforty onyń sýretker retinde joǵary sheberligin kórsetedi.
Kórermen uly golland sýretshisiniń shyǵarmashylyǵyna arnalǵan ár jyldardaǵy sırek kitap basylymdaryn da kórip tamashalaı alatyn bolady. Ekspozıııanyń atalǵan bólimi – Á. Qasteev atyndaǵy QR Memlekettik óner mýzeıiniń kitaphana qoryndaǵy biregeı jıınaqtama aıasynda tanysýǵa bolatyn «Ónerdiń jarqyn betteri» dep atalatyn mýzeı jobasynyń jalǵasy.
Kórme kýratory – Á. Jadaıbaev, M. Salnıkova
