2021 jyldyń 16 maýsymynan bastap, Qazaqstan Respýblıkasynyń Memlekettik Á. Qasteev atyndaǵy óner mýzeıi Jambyl Jabaıulynyń týǵanyna 175 jyl tolýyna arnalǵan «Baqyt týraly jyr» atty mereıtoılyq kórmesin usynady.
Kórmede, Jambyl beınesin jazǵan qylqalam sheberleriniń týyndylary, onyń ómiriniń keń tanylǵan, sońǵy on jylyn kóbirek qamtyǵan. Jambyldy ómirde óz kózimen kórip, beınelegen sýretshilerdiń biri, B.Chekalın, Á. Qasteev, R. Ardatov, N. Iagodkın bolǵan edi. B. Chekalın úshin Jambyl týyndylary kúndelikti ómirimen ushtasyp jatty, keıipkerdiń árbir sátterin kózden tasa jibermeı beıneleýge tyrysty. B.Chekalınniń Jambyl taqyrybyndaǵy eńbekterin uly jyraýdyń ómir jolyn baıandaıtyn keń kólemdi monografııa desek te bolady. Á. Qasteev, Jambyl beınesine birneshe ret toqtalǵan, aqynǵa arnap «Halyq aqyny Jambyldyń portreti» (1937), «Jambyl dostary arasynda» (1971) t.s.s. atty týyndylaryn jaryqqa shyǵardy. Á. Qasteev Jambyldy qansha ret beınelese, sonsha ret birin-biri qaıtalamaıtyn kelbet jasady. Ol ótken eńbekterin qaıtalamaý úshin aqynyń psıhologııalyq ishki jan dúnıesiniń alýan qyryn asha bilgen.
Sonymen qatar, músin ónerinde de Jambyl beıneleri erekshe oryn aldy. 1938 jyly Qazaqstanǵa kelip, Jambyldy óz kózimen kóre júrip, onyń beınesin jasaýmen aınalysqan máskeýlik músinshilerdiń biri, I. Andreev edi. Bul týyndyda ımpressoınstik tásilde keıipkerdiń bir sáttik kóńil-kúıin dál kórsetken.
Qazaqstannyń músin óneriniń negizin qalaýshy H. Naýryzbaev óz shyǵarmashylyǵynda Jambyldyń balalyq shaǵynan bastap, qartaıǵan kúnine deıingi aralyqtaǵy búkil ómirin qamtyǵan erekshe onnan astam týyndysyn jaryqqa shyǵardy. Atalmysh kórmede, H. Naýryzbaevtyń «Jas Jambyldyń bas beınesi» (1950) men qarııa «Jambyldyń portreti» (1966) týyndylary bar. Sonymen qatar, músinshiniń qoladan jasalǵan «Jas Jambyl» (1958) atty týyndysy Á. Qasteev mýzeıiniń turaqty ekspozıııasynda ornalasqan. Bul jumysynda jalań aıaq dala kezip, dombyrasyna qosylyp án salyp kele jatqan bala aqyndy tutas tulǵasymen kórsetken.
«Baqyt týraly jyr» kórmesinde ár túrli ult pen tarıhı kezeńdegi keskindemeshilerdiń, grafıkterdiń jáne músinshilerdiń shyǵarmalary «HH ǵasyrdyń Gomeri» Jambyl Jabaıulynyń epıkalyq beınesin óz shyǵarmalarynda naqtyly túrde kórsetýge umtylǵan biriktirilgen týyndylary usynylǵan, olardyń óleńderinde izgilik pen ádildik patshalyǵy týraly adamzattyń máńgilik armany, barlyq ýaqytta adamdardy biriktirgen baqytty jarqyn bolashaqqa degen úmit aıtyldy.
Kórme shilde aıynyń 16-na deıin jalǵasady.
Kórme jetekshisi: Laýra Ábildaeva
