Shalǵaıda ómir súrip jatqan qandas baýyrlar búginde óz ónerimen elimizdiń mádenıetine úlesin qosýda. Sondaı azamattar qatarynda Qabyl Aıan da bar. Týǵan ólkeniń bıik taýlaryna qarap ósken, móldir sýymen sýsyndaǵan qazaq balasy bul kúnde atamekenine oralyp oqýyn jalǵastyrýda. Qazaqtyń kórkem dalasyn, kórikti jerde sulýlyqty sýretteıtin sýretshi bolsam degen armannyń jeteginde, sýretshi bolýǵa ózinshe eńbek etýde.
Qabyl Aıannyń shyǵarmashylyq joly 2009-2012 jyldar aralyǵynda «ındzıan kórkemóner» ınstıtýtynyń kolledjinde bilim alýdan bastalady. Ol kolledjde Chen atty muǵalimniń sheberhanasynda dáris alady. Sol kezden bastap túrli jarystarǵa qatysyp, júldeli oryndarǵa ıe bolady. Jaqynda óziniń «Alǵashqy qadam» atty jeke kórmesin T.Q.Júrgenov atyndaǵy Óner akademııasynda ótkizdi. Kórmeniń ashylý saltanatyna óner akademııasynyń ustazdary men stýdentteri, jas sýretshiniń dos jarandary qatysyp qoldaý kórsetti. Kórmeniń saltanatty lentasyn Q.Sátpaev ýnıversıtetiniń professory Tursynova Gúlbarshyn Tursynqyzymen, KSRO halyq sýretshisi, QR eńbek sińirgen qaıratkeri, professor Jumaqan Qaıranbaev qyıyp Aıanǵa aq batasyn berdi. Sonymen qatar QR eńbek sińirgen qaıratkeri, QR SO múshesi, QR kórkem akademııasynyń akademıgi, professor T.Júrgenov atyndaǵy QazUÓA «Keskindeme, músin jáne dızaın» fakýltetiniń dekany Baıdilda Baýyrjan Nurbekuly da jas sýretshini alǵashqy qadamymen quttyqtap sóz sóıledi.
Qabyl Aıan T.Q.Júrgenov atyndaǵy Qazaq Ulttyq óner akademııasyna 2016 jyly oqýǵa túsedi. Aıannyń kartınasynyń basym bóligi etıýdter men, peızaj, portret, janrlarynda salynǵan shyǵarmalar. Ol portret salǵanda adamnyń ishki jan dúnıesin, minez qulqyn beıneleýge tyrysady. Jalpy aıtqanda óziniń óner jolyndaǵy baǵyt baǵdaryn aıqyndaýǵa tyrysqanyn kóre alamyz. Aıannyń kórkem týyndylarynyń ishinde ózime unaǵany – «Anamnyń armany» atty 2016 jylǵy maıly boıaýmen jazylǵan kartınasy. Onda ananyń beınesimen isimer qolynan shyqqan, kelisti oıý-órnekpen kestelengen, ádemi tósenish oryndary, kilemderi beınelengen. Ananyń kóz janarynan sheksiz meıirimdilik pen tuńǵıyq bir oıdy baıqaýǵa bolady. Sonymen qatar bul obrazdan jylylyq pen jumsaqtyqty anyq kóre alamyz. Sýrettegi ashyq reńdi boıaýlar oǵan áserli úılesimdilik berip, kartınanyń mánin arttyra túsip turǵandaı. Búgingi tańda bul shyǵarma Astana qalasyndaǵy Táýelsizdik saraıynyń tórinen oryn alǵan.
Ázirge Aıannyń 500-ge jýyq kartınalary bar. Búgin de ol «Keskindeme, músin jáne dızaın» kafedrasynyń doenti Áshim Hasenovten sabaq alyp, bilimin jalǵastyryp jatyr. Ol túrli jarysarǵa belsendi qatysýda. Solardyń ishinde – «ındzıan avtonomdyq jastar festıvalinde» júldeli 2 shy orynǵa ıe bolady . Ǵylymı tanym jáne izdenis atty 2-shi Halyqaralyq stýdentter men jas ǵalymdardyń ǵylymı konferenııasynyń «Tabıǵattyń tylsym syrlary» atty sekııasynda 2 orynǵa ıe. bolady. Sóz sońynda jas sýretshiniń eline arnalar jarqyn shyǵarmalary ázirge bolashaqtyń enshisinde degim keledi.
